l’avoit servy
moult longuement
et trop petit avoit prouffité en
son service et veoit que nul prouffit
d’or ne d’argent il n’y pouoit avoir,
si s’advisa de une mauvaise volenté
que’il se paieroit de luy meismes.
Atant il traicta secretement vers
Joffroy
Teste Noire, quy se tenoit en
Limosin, et tant que il deut livrer
le
chastel de Mont Ventadour, ainsi
qu’il fist, pour VI
M frans. Mais bien
mist en ses devises que a
son maistre
le conte de Mont
Ventadour on ne
feroit ja nul mal, et le mettroient
hors du
chastel
debonnairement
et luy rendroient tous ses meubles.
Il luy tindrent celle prommesse,
car les
Bretons et les
Anglois qui
dedens entrerent,
ne firent quelque
grief au
conte ne a ses gens, et ne
retindrent fors les
pourveances et
l’artillerie, dont il y avoit a plenté.
Si s’en vint le
conte de
Ventadour,
sa femme et ses enffans a
Montpenser
emprés
Aigeperse en
Auvergne, et
ce Joffroy et ses gens tindrent
Mont
Ventadour, par lequel ilz porterent
moult grant dommage au paÿs
et prindrent plusieurs chasteaulx
moult fors en
Auvergne, en
Roergue,
en
Limosin, en
Quersin, en
Cenaldam,
en
Bigore et en
Angenois, et tous
venans l’un de l’autre. Avecques
Joffroy
Teste Noire avoit plusieurs
autres capitains quy faisoient
moult de grans
appertises d’armes,
et prist
Aimerigot Marcel, ung jenne
escuier de Limosin, angloiz, le
fort
chastel de Casusel seant en Auvergne
en l’eveschié de Clermont. Celluy
Aymerigot avecques ses
compaignons
couroient le paÿs a leur voulenté.
Si estoient de
sa route et capitaines
des autres chasteaulx le
bourg Calac,
le
bourg
anglois, le
bourg de Campange et
Raymon de Sors, Gascon, et
Pierre
de Bierne, Bernais.
SHF 2-95 sync
Aymerigot Marcel chevauchoit
une foiz, luy XII
e de compaignons
tant seulement, a
l’aventure, et prist
son chemin pour venir a
Aloise empréz
Saint Flour, qui est ung
moult beau
chasteau de l’eveschié de Clermont.
Bien sçavoit que le chasteau n’estoit
gardé fors du portier seulement.
Ainsi qu’il chevauchoit a
la couverte
tout quoiement devant
Aloise, cel
Aimerigot regarde et bien voit que
le portier seoit sur une tronce de bois
au
dehors du chastel. Adont dist la
ung Breton qui trop bien sçavoit
jouer de
l’arbalestre : "Vouléz vous que
je vous rende tout mort ce portier
et du
premier coup ?" "Ouy," respondy
Aymerigot," et je t’en pry." L’arbalestrier
charge et prent sa visee et trait
ung
quarrel et assenne tout droit
ce portier en la teste et lui embarre
tout ens. Le
portiers qui estoit navré
a mort et qui se sent feru rentre en
la porte, et cuida
fermer le guichet
en rentrant, mais il ne peult, car il
pb 163 v