veoir et congnoistre par les traittiéz
de l’ordonnance de la matiere
qui s’ensuit.
SHF 2-102 sync
En ce temps que le
conte Loÿs
de
Flandres estoit en sa greigneur
prosperité, avoit
ung bourgois a Gand
nommé
Jehan Lyon, sage homme, soutil,
hardy, cruel et entreprendant et au
besoing froit
asséz. Ce
Jehan Lion fut
tant bien du
conte Loÿs qu’il apparu,
car
le
conte lui charga de faire occir ung
homme en
Gand qui lui estoit contraire
et desplaisant. Et au commandement
du
conte couvertement
Jehan Lyon prist
paroles de debat a celluy et l’occist.
Le
bourgoiz mort qui s’appelloit
Space: 10 letters Space: 13 letters. Il s’en vint demourer
a
Douay. Et la fut pres de trois ans.
Et tenoit bon estat et grant et tout
paioit le
conte.
Pour celle occasion
Jehan Lyon en la
ville de Gand perdi ung
jour tout ce qu’il y avoit, et fut bany
de la
ville de Gand cinquante ans.
Depuis le
conte de Flandres exploita
si bien qu’il luy fist avoir
paix a partie
et ravoir la
ville de Gand et aussi les
franchises, ce que on
n’avoit jamaiz
veü, de quoy plusieurs gens en
Gand et en
Flandres eurent grant merveilles,
mais ainsi fut et advint. Avec tout
ce le
conte pour le recouvrer en avoir
et pour l’entretenir en estat le fist
doyen des
navieurs. Celluy office luy
pouoit sur le lieu bien valloir M livres
l’an, a aler droitturierement avant.
Ce
Jehan Lion estoit tant bien du
conte que nul plus de luy.
En ce temps avoit ung autre
linage a
Gand nommé les
Mahieuz. Et estoient iceulx
sept
freres et les plus grans de tous
les navieurs. Entre ces VII freres
en y avoit ung qui se appelloit
Ghisebrest
Mahieu, riche homme,
sage et soubtil et entreprendant
grandement trop plus
que nulz
de
ses freres. Celluy
Ghisebrest avoit couvertement
grant envie
sur
Jehan Lyon de ce qu’il le veoit
si bien du
conte
de Flandres. Et a
ce il soubtilloit nuit et jour comment
il le pourroit roster de la
grace du
conte. Plusieurs foiz eut il volenté
de le faire occir par
ses
freres,
mais il ne parosoit pour le doubte
du
conte. Tant soubtilla, visa
et
ymagina que il y trouva le chemin.
Et la cause pourquoy principalement
ilz se
entrehaioient, je le vous diray
pour mieulx venir a la fondation
de ma matiere.
Anchiennement avoit
eu en la
ville du Dam une guerre
mortelle de deux riches hommes
navieurs et de leurs lignaiges,
qui
s’appelloient l’un
sire Jehan Piet et l’autre
sire Jehan Barde. De
celle guerre d’amis estoient morts
eulz XVIII.
Ghisebrest Mahieu et
ses freres estoient de l’un d’iceulx
lignages, et
Jehan
Lion estoit de
l’autre. Ces haynes couvertes
estoient de longtemps nourries
entre icelles parties, quoyque ilz
pb 170 r