si honnourable, quy avoit esté de la
conté de
Haynnau. Mais le
duc Aubert en ce temps n’avoit nulle fille en point
pour marier. Le
duc de Lancastre euist voulentiers veü que le
roy, son
cousin, euist prins sa fille que il eut
de madame Blance de Lancastre,
sa
premiere femme. Mais
paÿs ne le
vouloit mie
consentir pour deux
raisons. L’une si estoit que la
dame estoit
sa cousine germaine, ce par
estoit trop grant proixmeté, et l’autre
que on vouloit que
le
roy se mariast
oultre la mer pour avoir plus de
aliances. Si fut mise avant
la
suer
du jenne roy Charles de Boesme et
d’Allemaigne, fille a l’empereur de
Romme qui avoit esté. A cel advis se
tindrent tous les consaulx d’
Angleterre.
Si en fut chargié pour aler celle part
et pour traittier de ce mariage
ung
moult vaillant chevallier du
roy, qui
avoit esté son maistre et fut toudis
moult prochain du
prince de Galles,
son pere. Si estoit nommé le chevallier
messire Simon Burlé, vaillant en
armes, sage et vertueux homme
et
grant traitteur a merveilles.
Si fut ce
messire Simon Burlé bien
ordonné tout
ce que a luy appartenoit,
pour faire son voiage tant de mises
comme de autres choses.
Si se party
d’
Angleterre en bon arroy et arriva
a
Calais, et de la vint il a
Gravelines et a
Bruge, par les
dunes de
Bruges a
Gand, et de
Gand a
Brouxelles.