Gap: sampling
SHF 2-344 sync
Comment le roy entra en Courtray, comment il menasa Courtray de ruyne, et comment
ceulx de Bruges vindrent a merchy au roy. Le chapitre IIIC XLe.
Quant ce vint le venredi,
le
roy se desloga
d’entour
Rosebeque pour eviter
la puanteur des mors, et fut adont
conseillié de venir vers
Courtray,
et luy la raffreschir. Le
Halze de
Flandres et aucuns chevalliers et
escuiers de
Flandres, qui congnoissoient
le paÿs, environ deux cens lances,
le jour
de la bataille et desconfiture,
monterent a cheval, et vindrent
au ferir d’esperons dedens
Courtray et entrerent en la
ville, car il n’y
avoit point de
contredit ne deffence.
Les bourgoises et les femmes de la
ville povres et
riches et plusieurs
hommes aussi entroient, pour fuir la
mort, en celiers et en eglises,
et estoit
grant pitié de la se trouver et veoir.
Si eurent ceulx qui premierement
vindrent a
Courtray, grant prouffit
de pillage, et depuis y vindrent
petit a petit
François,
Bretons et toutes
gens. Et se logoient ainsi comme ilz
venoient, et y entra le
roy de France le premier jour de decembre. La y ot de
rechief grant occision
et persecution
faicte aval la ville des
Flamens quy
y estoient
repus, ne on n’en prendoit
nulz a merchy. Car les
François haioient
tant la ville pour une bataille quy fut
jadis devant
Courtray, ou
le
conte Robert
d’Artois et toute la fleur de
France fut
morte. Si s’en vouloient les successeurs
contrevengier. Congnoissance vint
au
roy qu’il y avoit en la
grant eglise
de Nostre Dame a Courtray une chappelle,
en laquelle il avoit bien largement
V
C paires d’esperons
doréz, et ces esperons
avoient jadis esté des seigneurs de
France qui
furent mors a la
bataille de Courtray,
l’an mil CCC et deux. Et en faisoient
ceulx de Courtray pour le triumphe
grant
solempnité, de quoy le
roy dist
qu’ilz le comparroient, ainsi qu’ilz firent,
et
que a son departement il
feroit la
ville en feu et en flame, si leur pourroit
aussi souvenir
ou temps futur, comment
le
roy de France y aroit esté. Asséz tost
aprés ce que
le
roy de France et les seigneurs
furent venus a
Courtray,
vindrent la
jusques a cinquante lances de la
garnison d’
Audenarde,
messires Daniel
de Halwin et autres nobles, veoir le
roy qui leur fist bonne chiere, aussi firent
les seigneurs, et, quant ilz eurent la
esté ung jour, ilz retournerent arriere
en
Audenarde devers les
compaignons.
pb 330 v