present pour le roy. "Voire, dame,"
respondirent les oncles du roy, "mais
nous n’en ouons nulles nouvelles."
"Or vous taisiés," dist la duchesse, "je
la feray traire avant, et en ouréz
nouvelles en cest esté sans nule faulte."
Les prommesses de la duchesse furent
averies, car elle fist tant que le duc
Federic en fina a son frere le duc Estienne
de l’amener, comme ores sera dit. Et
disoient en leur chemin qu’ilz aloient
en pellerinage a Saint Jehan d’Amiens,
toutes gens le supposoient ainsi,
car Alemans vont voulentiers en
pellerinage, et l’ont eu et tiennent
d’usage. SHF 2-448 sync ¶ Quant le duc Federic
et sa niepce madamoiselle Ysabel de
Baiviere eurent esté Gap: sampling Gap: sampling SHF 2-485 sync Gap: sampling armures pareillement. Quant les seigneurs et chevalliers françois en veirent la maniere et les grans rudesses et rigeurs dont les Escots usoient a l’encontre de eulz, ilz en parlerent et le remonstrerent doulcement et bien a messire Jehan de Vienne, leur capitaine et leur chief, et comment ilz estoient menez et leurs, mais il en savot assez de lui meismes : aussi bien lui disrent et remonstrerent que longuement ilz ne pouoient vivre en celle paine et misere. Gap: sampling leurs gens et gros varlés, qui les avoient par avant batus et mehaigniés, allans en fourage, ne les murdresissent de nuit en dormant, quant ilz seroient espars et aseulés sur le pays, car ilz en ouoient et savoient la selonc assez, ainsi que par aucunes bonnes gens ilz estoient advertis. Gap: sampling SHF 2-486 sync Gap: sampling n’y sçavoient comment besoignier pour le mieulx, et qu’ilz s’y estoient emploiez; mais ilz n’en pouoient autre chose faire, et convenoit que se ilz vouloient partir du royaulme d’Escoce, et a ce s’estoit tout le pays en general arresté, que les dommages et interests qu’ilz demandoient fussent avant recompensez et restorez. Quant messire Jehan de Vienne et les autres seigneurs et barons veirent que ilz n’en avroient autre chose, si ne vodrent mie perdre le plus pour le moins, car ilz se trouvoient eslongiez de tout aide et confort et enclos a tous costez de la mer, et si veoient et trouvoient les Escos de moult sauvage opinion. Si condescendirent a toutes les ententes des Escos, et fist l’admiral de France. Gap: sampling SHF 2-489 sync Gap: sampling envers le roy de France et le duc de Bourgoigne, son seigneur, que son paiement seroit tel que une fois il y lairoit la vie honteusement. Et pour celle cause vouloit il a son pouoir tousjours perseverer et entretenir les Gantois en leurs rebellions et mauvaistiés. Et au regard de querir ne vouloir parler de paix ne de quelque traitié bon ne prouffitable pour la bonne ville de Gand, fors de tousjours mettre avant guerre et exaulchier le mal et toutes dependances de guerre, on n’en ouzoit parler devant luy ne en derriere luy ou il fut sceu, car, incontinent qu’il en estoit sage, quiconques en parloit, combien qu’il fust preudhomme ou riche ou bien amé, il estoit tantost mort sans merchy par ses Blans Chapperons quy tous estoient appareilliés, et a toute heure, a son commendement. Gap: sampling SHF 2-490 sync Ceste guerre de Flandres que ceulx de Gand avoient, comme dit est, maintenue a l’encontre de leur naturel seigneur le conte Loÿs, et, aprés son trespas, encontre le duc Phelippe de Bourgoingne, aussi leur seigneur droiturier, avoit duré sur le point de VII ans, et tant de malefices en estoient advenuz et descendus que ce seroit une trop grant hideur et merveilleuses besoingnes de les ouïr racompter. Car, proprement, les Turs, les Sarrazins, les payens et les autres nations infideles et moult loingtaines s’en dueilloient fort et non sans cause, car toutes marchandises par mer en estoient reffroidies et sans avoir nul cours, et toutes les bendes de la haulte mer, de soleil levant jusques a soleil couchant, et tout le septentrion trop s’en sentoient, car a la verité et de longtemps la plus par de la marchandise des dix et sept royaulmes chrestiens par especial viennent par mer et arrivent a l’Escluse, en la conté de Flandres, et toutes manieres de marchandises ont la leur delivrance, ou au Dam, ou a Bruges. Or, regardez doncques, a considerer raison, quant les marches loingtaines s’en douloient, se les contrees prochaines comme tout premierement Flandres, Haynnau, Brabant, Artois, Hollande, Zeellande et autres ne devoient point bien sentir celle tant doulloureuse guerre. Et se n’y pouoit nulz princes ne autres, ne sçavoient trouver moien de paix ne bon remede. Et fault croire que, quant le traittié de la paix y fut premierement advisé, que ce vint de la grace de Nostre Seigneur et par droitte inspiration divine, et que Dieu regarda et entendi a aucunes bonnes prieres et requestes qui luy furent faittes par devottes personnes, et eut pitié de son pueple, car moult de menues gens et povres mesnages vivoient et estoient en grant povreté et misere par toute Flandres es bonnes villes et sur le plat pays par celle guerre qui tant avoit duré. Gap: sampling SHF 2-491 sync Gap: sampling prindrent a eulx doubter de plus en plus, et doubtoient grandement les bons et les notables de la ville que a l’esté prochain le roy de France, a tres grant armee, retourneroit mettre ung groz siege a tous costez devant Gand. Pietres du Bois et François Acreman et tous ceulx de leur secte ne le doubtoient gaires, ainchois disoient souvent ensemble. Gap: sampling SHF 2-493 sync Gap: sampling Et quant messire Jehan d’Elle eut advisé a son fait et qu’il vey son point, il party de Gand, et tellement exploitta qu’il vint devers le duc de Bourgoingne, qui se tenoit en France devers le roy, et luy remoustra moult gracieusement et par bonne fourme en quel estat il avoit laissié la ville de Gand, ainsi que dit est, et tant fist par bonnes remoustrances et pitoiables prieres et requestes, pour l’amour de Dieu et autrement, que le vaillant et tres misericordieux prince se inclina, par la grace de Nostre Seigneur, a ce que il y entendi, et se y employa grandement; car, pour l’emprise dessus declairee de mener le jeune roy Charles de France a main armee, et de la faire ung puissant voiage et exploit d’armes, il desiroit assez de venir a traittié et bonne paix a ceulx de Gand. Et avec tout ce son principal conseil, monseigneur Gap: sampling le duc de Bourgoigne au chevalier : "Messire Jehan, j’en feray touchant les Gantois, dont icy m’avez parlé Gap: sampling" Gap: sampling J’ay aucunement entendu qu’il a tres grant desir de parvenir a bonne pais. Gap: sampling Tout ainsi que le duc luy ordonna, le chevalier s’i emploia a son loyal pouoir. Si retourna a Gand et rapporta a ces deux, Rogier et Jaques, tres bonnes nouvelles tellement que ilz s’en contenterent tres bien. Aprés ce, il s’en alla tout secretement devers Franchois Acreman, au chastel de Gavre, et a luy se descouvry tres secretement de toutes ces besoingnes. Franchois pensa ung petit sus et puis respondi assez joieusement, et dist : "Quant il plaira a monseigneur de Bourgoingne a tout pardonner et la bonne ville de Gand tenir en ses franchises, ja je n’y seray rebelle ne contredisant que bonne paix ne s’i traitte, mais diligent a mon pouoir de aydier a conduire et trouver la paix." Atant le chevallier se party de Gravres et de Franchois Acreman, et, sans rentrer en Gand, il retourna en France devers le duc de Bourgoingne et luy remoustra tout ce qu’il avoit exploittié. Le duc l’ouy et y entendi voulentiers, et rescripvy lettres ouvertes et lettres closes qui furent seellees de son seel, moult gracieuses et moult amiables, a ceulx de Gand adrechans, et les apporta le chevallier meismes. Si retourna en Flandres et vint a Gand, mais il n’avoit mie alors les lettres avecques luy (ce nonobstant il s’en fist fort a Rogier Evrevin et a Jaques d’Ardembourg), par le contenu desquelles le traittié estoit tout demené. Or regardez le grant peril ou messire Jehan d’Elle et Rogier et Jaques se mettoient. Car se, par aucune souspechon ou par autre quelquonques voie que ce euist esté, messire Jehan Le Boursier ou Piettre du Bois en euissent esté advertis, il estoit fait de leurs vies. Oncques besoingne ainsi doubteuse et tant perilleuse et dangereuse ne fut plus discretement conduite et demenee, et Dieu proprement s’i emploia moult grandement. SHF 2-494 sync Gap: sampling "Gap: sampling se les lettres estoient trouvees sur vous, vous seriés mort, et eussiés vous mil vies; mais se vous entendez que noz besoignes soient en tres bon estat, si venez hardiement avant, et vous serez joieusement recueillié." Gap: sampling SHF 2-495 sync Gap: sampling Si exploittierent tellement que sur le point de sept heures ilz ne retournerent en amres sur le marchié des denrees, et la tous s’arresterent et planterent les banieres du conte de Flandres devant eulx, et la se rengierent, et tousjours a la file leur venoient gens armez et moult bien embastonnez, qui se boutoient en leur compagnie. Gap: sampling petit leur en venoient ne boutoient en leur route, ainchoiz la plus part sitost qu’il arrivoient se traioient dessoubz les banieres du conte; et tant en y arriva de toutes pars de la ville, que Rogier Evrevin et Jaques d’Ardembourg en eurent de Gand de cent les IIIIXX ou plus, et fut tout le marchié des denrees couvert de ces Gantois armez, et tous se tenoient sur piez sans mot sonner. SHF 2-496 sync Gap: sampling il fut tout abusé et au bout de son sens et se effroia en courage, et mist grant doubte en son fait que la il n’euist dangier grant, car bien perchevoit que ceulx quy le souloient siewir et encliner le fuioient, et luy seroient contraires, se mestier estoit. Adont il se bouta tout doulcement hors de la presse sans dire : "Je m’en voy", et ainsi se party de la; il ne print point congié a messire Jehan de Boursier, non mie aux Angloiz, et s’en ala par derriere les autres repondre, pour le doubte de la mort. Gap: sampling Gap: sampling pb 408 v