a tous ceulx qui ces
presentes verront
et orront,
salut. Savoir faisons que,
comme noz bien améz soubgets les
eschevins, doyens,
conseil et communa
ulté de nostre bonne ville de Gand
ayent humblement supplié
a nostre
sire le roy et a nous que de eulx
voulsissions avoir pitié, merchy et
misericorde, et que nostre dit seigneur
et nous leur voulsissions pardonner
toutes
les offenses et meffais par
eulx et leurs complices commis et
perpetréz contre nostre dit seigneur
et nous, et il soit enssi que nostre
dit seigneur et
nous, aians piti et
compassn de nos diz subgets, par
noz autres lettres d’icellui
nostre
seigneur et les nostres, et pour les
causes contenues en icelles, ayons
remis et pardonné a nostres dits
subgets de Gand et leurs complices
les
diz meffaiz et offenses, et ensi
leur ayons confermé leurs previleges,
franchises,
coustumes et usaiges,
ou cas que ilz venront plainement
a l’obeissance de nostre
dit seigneur et la nostre,
laquelle grace et pardon les
diz de Gand et leurs
complices ont receu tres
humblement de nostre dit seigneur et
de nous, et par leurs lettres et mes
sages solempnelz en grans nombres
que ilz ont
envoiéz devers nous et les gens
de nostre dit seigneur estans a
Tournay,
ont renonchié de nostre dit seigneur et de
nous des graces et
pardons dessus diz,
et sont retournéz de bon cuer a la
vraye obeissance de nostre dit seigneur
et de nous, en promettant que d’ores
en avant ilz seront bons et loiaulx et
vrais subgets a nostre dit seigneur le roy,
comme leur seigneur souverain et de nous
comme leur seigneur naturel, a cause de
Marguerite nostre compaigne, et de nous,
Marguerite,
comme leur dame naturelle
et heritiere, pourquoy, nostre dit seigneur et
nous,
nos diz subgets de Gand et leurs
complices avons receu en nostre
grace
et garde, misericorde et obeissance, et
donné letres de grace, pardon et remission
purement et absolutement, avec
la restitution de leurs previleges,
coustumes et
usages, si comme ces
choses et autres peuent plus plainement
apparoir par le contenu
des dittes lettres.
Aprés lesquelles grace et remission,
nos diz
subgets de nostre
ville de Gand nous
ont fait plusieurs supplications, les
quelles nous avons receues,
fait veoir
et visitter dilligamment par les gens
de nostre conseil, a grande et
a meure
deliberation, lesquelles veues, pour
le dit commun de tout le paÿs,
pour
eschever toutes discentions qui d’ores
en avant s’en pourroient ensieuvir
de
nostre grace, pour amour et contemplation
de noz diz bons subgets, avons ordonné
sur
les dittes supplications par la
maniere qui s’ensieut. Premiers, sur
ce que
ilz nous ont suplié que nous
voulsissions confermer les previleges
des villes de
Courtray, d’
Audenarde,
de
Grandmont, Nievle,
Tenremonde,
pb 409 v