Ruplemonde, Alost, Halst, Breveliet,
Axele, Donze et des chastelleries et
plat paÿs d’icelles villes, nous avons
ordonné que les habitans d’icelles
dittes villes vendront pardevers
nous et nous apporteront leurs diz
previleges, lesquelz nous ferons
veoir par les gens de nostre conseil,
et, iceulx veüz, nous en ferons tant
que tous nos diz bons subgets de
Gand, comme ceulx des bonnes villes,
en devront par raison estre contens.
Et, se aucuns des diz previleges estoient
par cas de fortune ou autrement,
nous en ferons faire bonne infour
mation, et, icelle veue, y pourverrons
comme dit est. ¶ Item, sur ce qu’ilz
nous ont supplié sur le fait de la
marchandise, avons volu et consenti
que la marchandise ait cours tout
franchement et licitement pour nostre
paÿs de Flandres, en paiant les deniers
accoustumés. ¶ Item, sur ce qu’ilz
supplient que, se aucuns des habitans
de nostre ditte ville de Gand ou de leurs
complises estoient arestéz ou temps
a venir, en aucun paÿs hors de nostre
dit paÿs de Flandres, pour occision
des debats et discentions dessus diz,
que d’icelles feissons tenir paisibles,
nous leur avons ottroié que, se
aucuns d’eulx estoient arrestéz, comme
dit est, nous les aiderions et def
fenderions et conforteriemes de nostre
pouoir contre tous ceulx qui, par voie
de fait, les vouldroiont grever ou