The Online Froissart

Facsimile mode Settings Browse | Collate

pb 127 v

ne plus beaulx apparaulz par
mer. Et tout l’esté jusques au
mois de septembre l’on ne fist
que mouldre farines et cuyre
bescuyt a Tournay, a Lille, a Douay,
a Arras, a Amiens, a Bethune, a
Saint Omer, et a toutes les villes
voisines de l’Escluse. Car telle
estoit l’intention du roy de France
et de son conseil que au port de
l’Escluse l’on monteroit sur la mer.
Et par la l’on yroit entrer en
Angleterre, et tout destruire.
Bien riches gens parmy
le roiaulme de France, pour
l’ayde de ce voyage et pour avoir
navires et vaisseaulz, estoient
asséz tailliés ou tauxéz au tiers
ou au quart de leur chevance.
Et plusieurs menues gens
payoient

plus que ilz n’avoient
vaillant, pour accomplir le paiement
des gens d’armes. ¶ Mouvant
d’Espaigne du port de Seville jusques
en Pruce ne demoura nulz gros
vaisseaulz sur mer, ou les Françoiz
pouoient mettre les mains, que
tout ne feust prins et mis en
leur obeissance et retenu pour
le roy et pour ses gens. A l’ost
venoient toutes manieres de
vivres et pourveances, de toutes
pars arrivoient et venoient en
Flandres, si grandes et si grosses
de vins, de chars sallees, de

foins, d’avaines, de vins, de chars
sallees en tonneaulz, de sel, de vert
jus, de aulz, d’oignons, de herenc
caqué, et du sor, de graisse de buef,
de oeufz batuz en tonneaulz, et
de toutes autres choses, de quoy l’on
se pouoit adviser, ne pourpenser
que ou temps ad venir il leur seroit
necessaire. Et quy ne le veist lors,
il ne le pourroit, ne ne vouldroit
croire. Et furent seigneurs pryés
par escript et mandéz jusques
en Savoye, en Allemaigne et sus
le soleil couchant jusques en la
terre du conte d’Armeignach. Et
furent pryés ceulx de loingtain
paiis et plusieurs seigneurs, et
y fut retenu en ce voyage avecques
le roy, le conte de Savoie atout
cinq cens lances. Et d’autre part le
conte d’Armeignach et le daulphin
d’Auvergne. Et quoyque ces seigneurs
estoient loingtains, et ne savoient
penser, ne pouoient, fors par espoir,
a quelle fin ceste armee se feroit,
si firent ilz faire toutes leurs
pourveances si grandes, si grosses,
et si coustables que merveilles
estoit au penser, ne ou les biens
estoient prins quy arrivoient en
Flandres, a Bruges, au Dam, et a
l’Escluse. Et furent tres la Saint
Jehan envoiés querre en Hollande
et en

Zeellande, a Meldebourg, a
Zerecsé, a Dourdrecht, a Esconnehove, pb 128 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.