The Online Froissart

Facsimile mode Settings Browse | Collate

pb 164 r

nouvelles que mon chastel estoit prins par ceulx de Lourde, je n’avoie oncques eu traitié, ne parlement a ceulx, et en rescripsy devers mon cousin, monseigneur de Fois, en priant pour Dieu que il le me feist ravoir, et que ceulx qui prins l’avoient, estoient de Berne et yssus de Lourde. Le conte me manda que je ne me doubtasse de riens et que ceulx qui le tenoient, l’avoient emprunté pour guerroier ceulx de Barselonne." Adont dist le roy: "Or me faittes ces paroles tantost prouver par vostre cousin de Fois, ou je vous touldray le chastel." La dame dist: "Voulentiers." Elle envoia tantost ces paroles devers le conte de Fois, qui pour ces jours se tenoit a Orthais en Berne, en priant que il la voulsist appaisier au roy d’Arragon et excuser. Le conte le fist, car il envoia lettres et ung sien messagier chevallier nommé messire Ricart de Savredun en remons

trant que il prioit au roy d’Arragon que il voulsist tenir en paix sa cousine et la laissast vivre dessoubs luy: sans la desheriter, ne molester, ou aultrement il luy en desplairoit. Le roy d’Arragon tint les excusances a bonnes, et fist grant chiere au chevallier du conte de Fois et luy dist: "La viscontesse a bien fait puisque son cousin de

Fois la veult excuser." ¶ Ainsi se porterent ces besoingnes, et la viscontesse de Chastelbon demoura en paix. Mais pour ce n’y demourerent pas les marchans de Barselonne et des frontieres pour ceulx de Lourde, ainchois estoient souvent prins et pilliés, se ils n’estoient appatis envers euls, et avoient ceulx de Lourde leurs abonnemens en maints lieux en Casteloigne et au royaume d’Arragon, et ainsi vouloient faire ceulx de la garnison de Doulcem, et eussent fait pis, qui ne fust alé au devant, car ils couroient plus aigrement assés ou roiaulme d’Arragon que ceulx de Lourde ne feissent, pour tant que ils estoient povres, et n’avoient cure sur qui, autant bien sur les gens d’office du roy comme sur les marchans du paiis, et tant que le conseil du roy se mist ensemble pour tant que les bonnes villes en murmuroient et disoient que le roy qui les deust destruire, les soustenoit. SHF 3-125 sync Quant le jenne roy d’Arragon entendi que ses gens murmuroient et parloient sur luy autrement que a point pour ceulx de Doulcem, ce luy tourna a grant desplaisance pour tant que tout le roiaulme et l’eritage de son pere le roy, qui avoit esté si amé de son pueple, luy estoit nouvellement escheu. Si en parla a ung sien parent pb 164 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.