The Online Froissart

Facsimile mode Settings Browse | Collate

pb 168 r

veoit Jehan de Bretaigne prisonnier en Angleterre, il avoit grant pitié; et, le duc de Bretaigne venu a l’eritage et possession du paiis, en la greigneur amour que ils eussent ensemble, il luy avoit bien dit et remonstré: "Monseigneur, pourquoy ne rendés vous paine que vostre cousin de Bretaigne soit hors de la prison d’Angleterre? Vous y estes tenu par foi et serement. Quant le paiis de Bretaigne fut en traittié par devers vous, les prelats et les nobles et les bonnes villes, en la cité de Nantes, et que l’archevesque de Rains, messire Jehan de Craon, et messire Boucicault, pour le temps mareschal de France, traittierent la paix devers vous devant Camper Corentin, certes vous jurastes que vous feriés vostre plaine puissance de delivrer vos cousins Jehan et Guy, et vous n’en faittes riens, pourquoy sachiés de vray que le paiis de Bretaigne vous en aime de moins." Le duc en ses responses se dissimuloit et disoit: "Taisiés vous, messire Olivier. Ou prendroie je a present trois ou quatre cens mille frans que on leur demande?" "Monseigneur," dist le connestable, "se le paiis de Bretaigne, veoit que vous eussiés bonne voulenté pour cela faire, ils

plaindroient petit une taille a payer ou ung fouage pour delivrer les deux prisonniers

quy mourront en prison, se Dieu ne les ayde." "Messire Olivier," respondi le duc, "mon paiis de Bretaigne n’en sera ja grevé, ne taillié. Mes cousins ont des hauls princes en leur lignage. Le roy de France et le duc d’Angou les devroient aidier, car ils ont tousjours soustenu encontre moy la guerre. Et quant je juray voirement a euls aydier a leur delivrance, mon intention estoit telle que le roy de France ou leurs prochains payeroient les deniers, et je y ayderoie de ma parole." Oncques le connestable n’avoit peut aultre chose traire du duc. Or estoit advenu, si comme je vous ay commencié a dire, que le connestable veoit tout clerement que le conte de Bouquighen et les barons et chevalliers d’Angleterre qui avecques luy avoient esté en ce voiage de France et venus en Bretaigne, se contentoient mal grandement du duc de Bretaigne pour tant que presentement il ne avoit fait ouvrir ses villes et ses chasteaulx, si comme il leur avoit prommis au partir hors d’Angleterre, mais les avoit closes a l’encontre d’euls. Et avoient dit plusieurs chevalliers anglois, tandis que ils sejournoient devant Vennes et es fourbourgs de Hainbont en si grant povreté que ils n’avoient que mengier et que leurs chevauls estoient tous mors, et aloient les Anglois, pb 168 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.