The Online Froissart

Facsimile mode Settings Browse | Collate

pb 172 v

homme d’armes, escuier, natif de l’Escluse, nommé Ernoul le Maire, quant il ouy dire que bataille et rencontre avoit sur mer de l’armee d’Angleterre a celle de Flandres, entra en une sienne barge que il avoit bonne et belle, et prinst aucuns sergens de l’Escluse et vingt arbalestriers, si naga a force de rymes jusques a la bataille, mais ce fut sur le point de la desconfiture, car ja estoient Anglois saisis de la greigneur partie des vaisseauls et avoient prins messire Jehan Bucq, le patron de toute la flotte, et tous ceulx qui o luy estoient. Et quant Ernoul le Maire en vyt la maniere et que la chose aloit mal sur leurs gens, il fist traire ses arbalestriers trois fois, et puis se mist au retour. Si fut chacié jusques dedens le havre de l’Escluse, mais les nefs qui le chassoient, estoient si grosses qu’elles ne porent approchier de si pres pour la terre, que la barge fist. Par telle maniere se sauva il et toute sa route. Moult furent les gens de la ville de l’Escluse esbahis, quant les nouvelles furent la venues que l’armee d’Angle

terre leur venoit et la grosse flotte de Flandres venant de la Rochelle estoit prinse. Si cuidierent bien avoir l’assault, ne ils ne savoient lequel faire, ne auquel entendre: ou

guerpir leur ville et tout laissier, ou entrer en leurs vaisseauls qui la dormoient a l’ancre et garder le pas. Et sachiés que, se les Anglois eussent bien sceu le convenant de l’Escluse, ils eussent esté seigneurs de la ville, ou se ils eussent creu Piettre du Bois, car il conseilloit trop fort quant ils furent au dessus de la bataille et il orent saisi toute la navie, que on alast assaillir l’Escluse et que de fait on l’emporteroit; mais les Anglois ne l’avoient point en courage, ne en conseil. Ainchois disoient: "Nous ferions une trop grant folie de nous bouter en la ville de l’Escluse; et puis ceulx de Bruges, d’Ardembourg et du Damvenroient et nous y enclorroient. Ainsi reperdrions tout ce que nous avons gaingnié. Il vault trop mieulx que nous le gardons et que nous guerroions sagement que follement." ¶ Ainsi ne se bouterent point les Anglois oultre la rive de la mer vers l’Escluse, mais ils se misrent a ardoir le navire qui estoit ou havre de l’Escluse qui la gesoit a l’ancre; car des vaisseauls que ils avoient conquis, ils prindrent des plus legiers et les plus secs, et les oignirent fort dedens et dehors de huille et de graisse, et bouterent le feu dedens, puis les laissierent aler aval le vent et pb 173 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.