The Online Froissart

Facsimile mode Settings Browse | Collate

pb 174 r

quatre deniers sur le gallon. Et furent les Londriens et plusieurs Anglois qui hantoient les frontieres de Flandres, de Hollande et Zeellande, trop grandement lies de la prinse messire Jehan Bucq, car il leur avoit porté plusieurs fois trop de contraires sur mer en alant a Dourdrecht, a Zericsé, a la Brielle et a Meldebourg, et vous dy que aucuns marchans de Zericsé en Zeellande avoient des vins en celle flotte, qui venoient de la Rochelle, lesquels leur furent tous rendus et delivrés et leur dommaige restitué. Et bien y avoit cause que les Anglois leur feussent courtois, car oncques ceulx de Zericsé ne se voulrent accorder aux François pour aler en Angleterre. Et bien dirent que ja nefs, ne barges n’y presteroient,

pour quoy ils encheïrent moult grandement en la grace des Anglois. Si fut messire Jehan Bucq mis en prison courtoise a Londres; mais il pouoit aler et venir dedens la ville, et en dedens soleil couchant il convenoit que il fust a l’ostel, ne oncques depuis on ne le volt mettre a finance. Si en eust le duc de Bourgoingne voulentiers par eschange rendu le frere du roy Jehan de Portingal, que ceulx de Biervliet prindrent sur mer en venant a Meldebourg, mais ils le prindrent sur leur puissance, car sur les mettes de Zeellande ils ne l’eussent point prins. Et

m’est advis que messire Jehan Bucq fut emprisonné courtoisement a Londres en Angleterre environ trois ans, et puis morut. SHF 3-134 sync Comment le mareschal du duc de Lancastre prinst la ville de Ribedane en Gallice quy fort s’estoit tenue aprés plusieurs assaulz. Le chapitre IIIIXX Ie. Or est heure que nous retournerons aux besoignes de Castille et de Portingal, et que nous parlerons du duc de Lancastre qui se tenoit en Gallice et des besoignes qui y advindrent en celle saison, qui ne furent pas petites, et que nous recorderons aussi quel confort le roy de France envoia au roy de Castille, car sans ce secours les besoignes du roy Jehan de Castille se feussent petitement portees. Je vueil bien que on sache que il eust perdu, en celle annee que le duc de Lancastre arriva a la Couloigne, tout son roiaulme entierement, se il n’eust esté conforté des nobles du roiaulme de France, qui la furent envoiés depar le roy de France. Vous savés que nouvelles sont tantost loings espandues. Le roy de Portingal sceut aussitost les nouvelles du roy de France et de l’armee qui se devoit faire par les François

pb 174 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.