The Online Froissart

Facsimile mode Settings Browse | Collate

pb 210 v

quy avoit si bien et si longuement servy le roy de France et le roiaulme en Flandres et ailleurs, ne feust adreschiés des duretés que le duc de Bretaigne lui avoit faittes, son corps raenchonné, prins ses villes et ses chasteaulx sans nul tiltre de raison, et par especial le sire de Coucy et l’admiral de France y rendirent grant paine. SHF 3-172 sync Or retournons au duc de Lancastre et au roy de Portingal qui estoient en Gallice et faisoient guerre forte et belle, et compterons comment en leurs besoingnes ils persevererent. Comment le duc de Lancastre, quant la duchesse et son estat fut en la ville de Compostelle, chevaucha en Galice. Et comment aprés plusieurs assaulz la ville de Aurent luy fut rendue par traittié. La chapitre IIIIXX XVIe. Vous devés savoir que, quant les armes furent faittes a Besances de messire Jehan de Hollandes et de messire Regnault de Roye, comme dit est (et la furent le roy de Portingal et sa femme), a leur departement le roy de Portingal avoit prommis au duc de Lancastre que, luy retourné en la cité du Port, il ne sejourneroit point six jours, que il chevaucheroit; car ses gens estoient tous prests. Le duc envoia tantost sa femme en la ville de Saint Jaques en Galice

pour la sejourner en la garde du seigneur de Fil Watier, ung grant baron d’Angleterre, atout cent lances et deux cens archiers, et luy dist au partir de Besances: "Madame, vous vous tendrés en la cité de Compostelle, et nous chevaucherons, le roy de Portingal , mon fils, et moy et nos gens, en Castille pour requerre nos ennemis, et les combatterons ou qu’ils soient trouvés. Ceste saison icy nous verrons se jamais aurons riens ou roiaulme de Castille."

La dame respondi: "Dieu y ait part!" Ainsi furent les departies pour le present. Messire Thomas de Persy et le sire de Fil Watier convoierent la duchesse atout deux cens lances hors des perils, et puis retournerent devers le duc, qui ja estoit hors de Besances, et chevauchoit, et ses routes, vers une ville en Gallice que l’on nomme Aurenc, laquelle luy estoit rebelle et nullement ne luy vouloit obeÿr, car elle estoit forte, et y avoit ung nombre de Bretons en garnison, qui l’avoient prinse a garder sur leurs perils, et pour tant qu’ils sentoient bien que le duc et les Anglois vendroient celle part, ils s’estoient encoires moult grandement fortiffiés. Le mareschal de l’ost avoit bien ouy parler de la garnison de Aurenc en Galice, qui ne vouloient obeÿr au duc, et que tous les jours ilz se fortiffioient. Si conseillirentpb 211 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.