dreschiés qui jettoient tres bien dix ou douze fois le jour grosses pierres, mais petit les empirerent, excepté les couvertures des tours, qui furent rompues et desemparees; mais les compaignons de dedens n’en tenoient compte, car les estages qui estoient pres des couvertures, estoient de fortes pierres, qui ne pouoient effondre pour jet de pierres d’engras, ne d’espringales. Et quant l’on vit qu’on ne les avoit point et que l’on se commença a tanner, l’on ot conseil que tout homme deslogeroit et que l’on entreroit en Gallice et que l’on approcheroit l’ost du duc de Lancastre; par quoy se ses gens venoient l’on seroit plus fort; et aussi le roy et le duc auroient conseil ensemble comment ils se maintendroient, ne quelle part ils iroient. Si se deslogierent et trousserent tout et misrent a voiture, et se departirent de Saint Yrain; mais a leur departement la ville fut si nettement arse qu’il n’y demoura oncques pour establer, ne logier ung cheval. ¶ Quant ceulx des chasteaulx veirent que l’on se esloingnoit, ils en furent moult resjouïs, et commencierent a sonner leurs trompettes et a faire grans esbatemens, et convoierent de cel convoy l’ost, tant que tous les derreniers furent passés. Et quant pb 217 r