The Online Froissart

Facsimile mode Settings Browse | Collate

pb 221 r

seroient envoiés devers le duc de
Bretaigne pour parler a luy et pour
oÿr ses raisons pour luy faire venir
a Paris ou ailleurs, la ou le roy
vouldroit luy excuser de ce qu’il avoit
fait. Si furent nomméz premierement,
l’evesque de Beauvais, messire Mille
de Dormans, ung sage chevallier
et

vaillant preudhomme, et moult
beau langaigier, avecques luy
messire Jehan de Vienne, messire
Jehan de Bueil, et le sire de la Riviere.
Ceulx furent chargiés quelle chose
ilz devoient dire et faire. Et par
especial pour luy mieulx infourmer
de la matiere de toutes les besoingnes,
l’evesque de Beauvais s’en vint a
Montlehery, ou le connestable se
tenoit. Car la ville et le chastel estoit
a luy et toutes les appendences et
les luy donna le roy Charles a luy et
a ses hoirs. L’evesque de Beauvaiz
la estant, une maladie luy prist
dont il se alitta, et fut quinze jours
en fievre et en maladie, et puis il
rendi ame. Si eut le preudhomme
grant plainte. Ou lieu de l’evesque
de Beauvais y fut envoié l’evesque
de Langres. Celluy se mist ou chemin
de Bretaigne aveuc les dessus dis.
¶ L’on me pouroit demander dont
telles choses me viennent a savoir,
pour en parler si proprement et si
vifvement. Je vous en respondroie,
voire a ceulx qui m’en demanderoient
que grant cure et grant diligence

je mis en mon temps pour sçavoir
au vray ces besoingnes et en charçay
maint roiaulme et maint paiis pour
faire justes enquestes de toutes les
choses quy sont cy dessus contenues
en ceste histoire, et quy aussi enssuivant
en descendront. Car Dieu me donna
la grace et le loisir d’en veoir en mon
temps la greigneur partie. Et de
avoir la congnoissance des haulz
princes et seigneurs tant en France
et en Angleterre comme ailleurs. Car
sachiés que sur l’an de Grace mil IIIC
IIIIXX et dix, je y avoie labouré XXXVII
ans. Et a ce jour j’avoie de age LVII
ans. Ou terme de XXXVII, quant
ung homme est en sa force, et en son
venir, et il est bien de

toutes les parties.
Car de ma jennesse je fus cinq ans
de l’ostel du roy et de la royne d’Angle
terre. Et si fus moult bien de l’ostel
du roy Jehan de France. Si peulz bien
sur cest terme aprendre et concep
voir moult de choses. Et pour
certain la greigneur ymagination
et plaisance que j’avoie estoit de
enquerir avant et du retenir. Et
tantost escripre comme je avoie fait
les enquestes. Et comment je feuz
adoncques infourmé et par quy du
connestable de France, et de tout ce
quy s’en enssieuvy, je le vous dirai.
SHF 3-178 sync ¶ Je chevauchoie en ce temps que
les choses furent advenues ou ung
an aprés, de la cité d’Angiers a Tours
en Thouraine, et avoie couchié a pb 221 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.