The Online Froissart

Facsimile mode Settings Browse | Collate

pb 227 v

gens. L’on voit, quant ung povre homme monte en estat et son seigneur l’adveue, il se corrompt et destruit aussi le pueple et son paiis; et est ainsi d’un povre homme a faire, qui ne scet que c’est d’honneur et qui ne desire que a tout engloutir et tout avoir, comme d’un loutre qui repaire en ung estang, lequel deveure tout le poisson qu’il puet acconsieuvir. A quoy est ce bon que le duc d’Irlande est si bien du roy que le roy n’a maintenant en autre homme creance? Certes nous congnoissons bien sa venue et a quoy il tent: c’est, s’il

puelt, que le roiaulme d’Angleterre sera tout gouverné par luy, et on lairoit derriere les oncles du roy et ceulx de son sang. Ce ne fait pas pour riens a souffrir, ne a soustenir." "Nous sçavons bien", disoient les autres, "que le conte d’Asquesuffort qui oncques n’eut grasce, ne renommee en ce roiaulme, de sens, de conseil, ne de gentilesse, est de son aliance." "Et messire Jehan Chandos", dist lors ung chevallier, "luy remontra moult bien en l’ostel du prince de Galles, en l’ostel de Saint Andrieu en Bourdeaulx." "Mais que luy monstra il?" respondi ung autre qui le desiroit a savoir. "Je le vous diray," respondi le chevallier, "car je y estoie present. On servoit du vin en une chambre ou le prince

estoit, et avecques luy moult belle compaignie de barons et chevalliers d’Angleterre. ¶ Quant le prince ot beu, pour tant que messire Jehan Chandos estoit connestable de toute Acquitaine, tantost aprés le prince l’on lui porta la couppe; il la prist et but et ne fist nul semblant de dire au conte d’Asquessufort, le pere de cestuy, de boire, ne d’aler devant. Et aprés ce que messire Jehan Chandos ot beu, l’un de ses serviteurs porta le vin au conte d’Asquessufort, et le conte qui estoit indigné grandement de ce que messire Jehan Chandos avoit beu devant luy, ne veult boire, mais dist a l’escuier qui tenoit la coupe par maniere de moquerie: "Va, si dy a ton maistre Chandos que il boive." "Pourquoy", dist l’escuier, "iroye je? il a beu. Puisque l’on le vous offre, beuvés: par saint Jeorge, je le vous jetteray au visaige, se vous ne beuvés." Le conte, quant il ot oÿ ceste parole, doubta que l’escuier

ne feist sa teste, car il estoit bien courageus pour ce faire. Si prist la coupe et la mist a sa bouche et beut: a tout le moins en fist il le semblant. Messire Jehan Chandos, qui n’estoit pas loings, avoit bien veü toute l’ordonnance, car il veoyt et oyoit trop cler. Et aussi a son retour a la meisnie, entrementes que le prince parloit a son chancellier, il leur pb 228 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.