Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Berlin Rehdiger 3
Previous | Folio 228 r | Next
pb 228 r

racompta le fait." Messire Jehan Chandos se souffry tant que le prince fut retrait. Adont s’en vint devers le conte d’Asquessufort et dist ainsi: "Messire Aubry, par vostre foy, vous estes vous indigné se j’ay beu devant vous, qui suis de ce paiis connestable? Je doy bien et puis boire et passer deyant vous, puisque mon tres doubté seigneur le roy d’Angleterre et messeigneurs les princes le veulent. Il est bien verité que vous feustes a la bataille devant Poitiers, et tous ceulx qui sont cy, ne scevent pas si bien la maniere comme je fais: si la diray, par quoy ils la retendront. Quant monseigneur le prince ot fait son voiage en Languedoch et Carcassonne et a Nerbonne, et il s’en fut par Fougaus et par les plains de Messeres retourné en Bourdeaulx, si fust en ceste ville que il vous vint a greque vous vous partesistes et en Angleterre retournastes devers le roy. Que vous dist le roy? Je n’y fus pas, et si le sçay bien. Il vous demanda se vous ayiés ja fait vostre voiage, et aprés que vous aviés fait de son fils; et vous respondesistes: "Sire, je l’ay laissié en bonne santé a a Bourdeaulx." Adont dist le roy: "Et comment estes vous sy hardi de estre par deça retourné sans luy? Je vous avoye bien enjoint et

commandé et a tous ceulx qui en sa compaignie estoient, disant: "Alés et que nul ne retourne sans mon fils, sur quanques il se puet meffaire, et vous estes retourné sans luy."" "Or je vous commande", dist le roy, "qu’en dedens quatre jours prochains vous ayés vuidié mon roiaulme et que vous retournés devers luy, et, s’en mon roiaulme vous estes trouvé au cinquiesme jour, je vous touldray la vie et vostre heritaige." Certes vous doubtastes la parole du roy, ce fut raison, et vous partesistes d’Angleterre; et eustes l’aventure assés bonne; car voirement vous fustes en la compaignie de monseigneur le prince quatre jours avant que la bataille se fesist, et eustes le jour de la bataille de Poitiers quatre lances de charge, et je en euls de ordonnance soixante. Or regardés se je puis boire, ne doy devant vous, qui suis connestable d’Acquitaine." ¶ Le conte d’Asquesuffort fut tout honteux et voulsist bien estre ailleurs que la, mais les paroles luy convenoit souffrir et ouyr que messire Jehan Chandos luy dist en la presence de tous ceulx qui les vouldrent entendre et oÿr. A ce propos dist le chevallier a l’autre: "On se puet maintenant esmerveillier comment le duc d’Irlande, fils a ce conte d’Asquessufort, ne pb 228 v