The Online Froissart

Facsimile mode Settings Browse | Collate

pb 236 v

Et estoit une damoiselle assés belle et plaisante que la royne d’Angleterre avoit amenee en sa compagnie et mise hors de Boesme dont elle estoit partie; et l’amoit si ardamment ce duc d’Irlande que voulentiers il eust veü qu’il peust estre desmarié de la duchesse sa femme, fille au bon seigneur de Coucy; et y rendoit toute la peine que il pouoit, et avoit envoié plusieurs fois a Romme pardevers celluy qui s’appelloit pape Urbain VIe et que les Anglois et les Alemans tenoient pour pape et n’obeissoient a autre. Toutes bonnes gens parmy Angleterre estoient moult esmerveilliés et condempnoient du tout ce duc, pour tant que la bonne dame sa femme avoit esté fille de la fille du bon roy Edouard et de la bonne royne Phelippe d’Angleterre; et fut sa mere madame Ysabel: dont ses deux oncles qui pour le temps se tenoient en Angleterre, le duc d’Yorch et le duc de Glo

cestre, tenoient ce fait en tres grant despit, mais nonobstant leur hayne le duc d’Irlande n’en tenoit compte, car il estoit tellement enamouré et aveuglé de l’amour de la dessus ditte damoiselle, que il se vouloit desmarier, et luy disoit et promettoit que il la prendroit a femme, et en feroit le pape de Romme

dispenser, ou cas que il avoit l’accord du roy et de la royne d’Angleterre, et que le pape ne luy oseroit reffuser, car la dame estoit françoise et de leur creance contraire, et si avoit tousjours le sire de Coucy, qui pere estoit de la dame, fait guerre en Rommenie et ailleurs pour Clement encontre Urbain, pourquoy Urbain ne l’en amoit point mieulx, et par ce s’enclineroit de legier a eulx desmarier. ¶ Tout ce mettoit il avant et promettoit a Lancegrove de Boesme, et si ne vouloit oÿr de sa femme de loial mariage nulles nouvelles. Mais ce duc d’Irlande avoit une dame et preude femme, qui s’appelloit la contesse du doaire contesse d’Asquessufort, sa mere, qui n’estoit pas de l’accord de son fils, mais luy blasmoit amerement ses folies et luy disoit que Dieu s’en courroucheroit et l’en paieroit ung jour par telle maniere que tard en vendroit au repentir; et tenoit sa belle fille la duchesse emprés luy et luy estoffoit son estat si avant comme elle pouoit, de luy et de ses gens, dont tous ceulx qui amoient la dame, luy en devoient savoir bon gré. SHF 3-191 sync ¶ Si comme je vous remonstre et ay remonstré des besoingnes d’Angleterre qui advindrent en celle saison, et pour venir au parfait, je vous en parleray encoires plus pb 237 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.