Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Berlin Rehdiger 3
Previous | Folio 296 v | Next
pb 296 v

barons et seigneurs, le sire de la Tour, le sire d’Açon, le sire d’Achier, le sire de Revel, le sire de la Palice et plusieurs autres, et encoires souverainement messire Jehan Bonne Lance y viendroit a tout grant gent, par laquelle incidence, ainsi que ils veulent dire, elle est perdue et gaingnee. Toutes ces doubtes mettoient les saiges, Perrot le Bernois et Olimbarbe, avant, et encoires autres raisons; car, se ils estoient la prins et attrapés, ils perdroient leur fait et entreprinse l, et au mieulx venir, tous les fors que ils tenoient. Si arresterent et conclurent les capitainés ensemble que sur le soir ils se deslogeroient et meneroient tout leur butin et leurs prisonniers dont ils avoient plus de deux cens, a saufveté, et de ce furent ils tres dilligens et y entendirent; car ils misrent bonnes gardes aux portes a celle fin que nul, ne nulle ne peust descouvrir leur convenent, ne yssist hors de la ville. Or vous compteray d’une escarmuche que ceulx de la cité de Clermont firent a ces capitaines et leurs routes. SHF 3-250 sync ¶ Quant les nouvelles furent venus a Clermont la cité comment les Anglois estoient venus a Montferrant et l’avoient prinse de nuit, moult ils en furent esbahis et non

sans cause, car ils leur estoient de trop pres voisins, et eurent en moult de lieux plusieurs paroles et ymaginations, et vous advise que au dehors de Clermont sur le chemin de Montferrant a une eglise de Freres Mendians, la plus belle, la plus forte et la mieulx ediffiee que l’on sache par tout le royaulme de France, et y a ung tres beau clos et grant et fermé de beaulx, fors et hauls murs, et dedens ce clos a grant plenté de moult bons vignobles, car, an par autre, les Freres y ont bien et largement entre cens et six vings queues de bon vin. Les aucuns disoient: "Il seroit bon que la maison des Freres feust abatue; car, par celle maison qui joinst a nostre porte, pourrions nous estre perdus, et autresfois en a esté parlé et si l’a on voulu condempner et abattre." Et les autres disoient que non et que ce seroit pitié et dommaige se une telle maison et si belle, ne si devote estoit perdue, ne abatue; mais il vailloit mieulx que tantost et de fait tout homme alast devant la ville de Montferrant euls escarmuchier et la y mettre le siege a celle fin que jamais de la ils ne peussent partir: "car, chevalliers et escuiers de ce paiis de Bourbonnois et de Forests, tous se recueilleront et se trairont celle part, et tout le paiis aussi. Et n’y demourrontpb 297 r