The Online Froissart

Facsimile mode Settings Browse | Collate

pb 302 v

devers le duc, son beau cousin, le conte d’Estampes, et quel chose il avoit exploittié et besoingnié. La chose demoura en tel estat quant l’on vit que autre chose l’on n’en pooit avoir.

SHF 3-257 sync Comment aprés le departement que le duc de Lancastre fist de Gallice, les Espaignolz et les François la reconquisrent en moins de quinze jours. Et comment les Angloiz quy avoient esté en celle guerre diffamoient le paiis de Castille et de Galice en Angleterre. Et du duc d’Irlance quy fut envoié querir depar le roy de France. Le chapitre CLe. Vous poués savoir, ainsi que cy dessus est contenu en nostre histoire, comment la departie des Anglois qui estoient en Galice alés avecques le duc de Lancastre, se fist, et comment le duc, sa femme et sa fille vindrent au Port de Portingal et la se tindrent ung temps emprés le roy Jehan de Portingal et la jeune royne, fille au duc de Lancastre, comme vous savés, et, se la il desplaisoit au duc, grandement bien y avoit cause, car riens de son prouffit en celle saison il n’avoit fait en Castille, mais son grant dommaige, ses gens mors de la mortalité et des meilleurs chevalliers et escuiers de sa route. Et le paiis de Gallice que en venant

il avoit conquesté a grant payne, il le veoit trestout perdu et retourné devers le roy de Castille; car incontinent que il se fut party de Castille et de Gallice et rentré en Portingal, et que les Espaignols veirent, et les chevalliers de France, qui derriere estoient demourés avecques le roy et messire Olivier de Glayaquin, le connestable de Castille, que il n’y avoit pour les Anglois, ne pour le duc de Lancastre nule recongnoissance de recouvrier, ils entrerent en queste de reconquerre a l’ayde de leur aliance et obeïssance le paiis de Gallice, et ce fust tantost fait; car ceulx des villes, des cités et des chasteauls de Gallice avoient plus grande affection a estre devers le roy que devers le duc de Lancastre, ou cas que il ne pouoit tenir les champs, ne le paiis; car, si comme en Lombardie et en Ytalie, ils ont d’usage en Gallice et en Castille et dient: Vifve le fort! vifve qui vaint! Tout ce que le duc de Lancastre avoit peu assambler de la Pasque jusques a l’entree de juillet, tout fut retourné et reconquis et raffreschy de gens franchois et autres obeïs

sans au roy de Castille en trop petit de temps. Et les Anglois depar le duc, qui estoient demourés en Galice ens es cités, villes et chasteauls en garnison, et qui bien et paisiblement se cuidoient tenir et estre tout l’yver, pb 303 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.