encoires les autres: "Quy sera si osé qui conseille le roy, ne enorte de aler en Allemaigne, ce loingtain paiis et entre ces Allemans? Ce sont si haultaines gens et si perilleus a entrer sur euls. Encoires, se l’on y estoit entré, trop y a bien maniere a en yssir et retourner; car quant ils sentiront le roy et les nobles du roiaulme de France entrer en leur paiis, tous se cueilleront ensemble et se mettront sur t ung certain pas que ils congnoistront, et les nostres ne le recongnoistront mie, et nous pourront porter trop grant dommaige, car ils sont convoitteus durement plus que nulles autres nations, et si n’ont quelque pitié de nulluy puis que ils en sont seigneurs, mais les mettent en prisons destroittes s et en ceps merveilleus, en fors chasteaulx, en gresillons et en maint autres atournemens de prisons, dont ils sont de ce faire soubtils, pour attraire plus grant raenchon. Et quant ils sentent que ils ont a prisonnier un grant seigneur ou ung noble et vaillant homme, ils en sant trop grandement resjouïs: si les emmainent en Boesme ou en Austeriche, en Baviere ou en Sassonne ou autre part, et la les tendront en chasteaulx ou dongons inhabitables. Alés la les pourchasser, ne requerre. Certes tels gens valent pis que Sarrazins, ne payens, car pb 306 v