The Online Froissart

Facsimile mode Settings Browse | Collate

pb 331 v

il n’y a que deux bonnes lieues de la ou la bataille avoit esté: tantost l’approchierent. Quant ces nouvelles furent venues a Nymaige et tout le vray de la besoigne, lors veïssiés resjoÿr hommes, femmes et enffans, et le clergié yssir et venir au devant de leur duc et de sa compaignie, que ils recueillierent a grant joye. Le duc de Guerles accompaignié de ses chevalliers sans retourner autre part s’en vint tout droit en l’eglise ou cel ymage de Nostre Dame est, ou il avoit moult grant fiance, et la devant l’autel en la chappelle se desarma de toute pieces et se mist en pur son juppon et luy donna toutes ses armures en luy rendant grans graces et loenges pour la belle victoire et journee qu’il avoit eue, et la furent mis et rengiés toutes les banieres et pennons des barons et chiefs qui ce jour furent prins a la bataille, devant l’ymage (je ne sçay se ils y sont encoires,) et puis s’en vint le duc a son

hostel, et ses chevalliers se retrairent chascun au sien, si comme ils estoient logiés, et pensoient de euls aisier, carles plusieurs en avoient bon mestier, et de ordonner leurs prisonniers, car ils pensoient bien que ceulx paieroient l’escot. ¶ Grans nouvelles furent en plusieurs

lieux de ce duc de Guerles qui avoit ainsi rués jus les Brabanchons, et fut de tout plus doubté et honnouré que il n’estoit en devant. Et la duchesse de Brabant qui se tenoit au Boist le Duc a tout son estat, quant elle perchut que les besoingnes se portoient mal et que le siege de Grave estoit levé, fut toute tourblee, et bien y avoit cause, car la chose luy touchoit de trop pres. Adont elle ordonna garnison au Bois le Duc pour garder sa frontiere, et puis s’en retourna parmy la Campine a Brouxelles, et la se tint grant espace tant qu’elle ouy autres nouvelles, et rescripsoit souvent de son estat au duc de Bourgoingne, ou toute son esperance estoit de soy recouvrer. ¶ Vous devés bien croire et savoir que ces nouvelles qui advenues estoient au duc de Guerles sur les Brabançons entre Grave et Ravestain, furent tantost sceues et avolees ou roiaulme de France, et par especial en la court du roy. Nuls n’en tint compte, ou cas que le roy avoit si grant affection de la aler. On rescripsi tantost devers messire Guillemme de la Tremouille et devers messire Servais de Meraude, lesquels estoient souverains capitaines de ces gens d’armes que le duc de Bourgoingne avoit la envoiés, et des trois chasteauls seans sur la pb 332 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.