The Online Froissart

Facsimile mode Settings Browse | Collate

pb 40 r

honny et tout destruit. Mais ils trouverent ung moien moult soubtil, car ils manderent ou paiis de Piemont en Lombardie le marquis de Montferrat, ung bien vaillant chevallier, lequel avoit guerre au seigneur Galleas de Millan. Quant le dit marquis fut a moult bel estat venu en Avignon, le pape et les cardinauls traittierent devers luy, et il parla aux capitaines anglois, gascoings et allemans, et traitta parmy soixante mille frans que le pape et les cardinauls paierent tout comptant a plusieurs capitaines de ces routes, tels que messire Jehan Hackoude, ung moult vaillant chevallier anglois, et messire Robert Riche Bricquets, Carsuelle, Naudon le Bagerant, le bourg de Bretueil, le bourg Camus, le bourg de l’Espare, Bataillier et plusieurs autres. Si s’en chevauchierent en Lombardie, et rendirent le Pont Saint Esperit, et enmenerent de toutes les routes bien les six pars. Mais nous demourasmes der

riere, messire Seghuin de Batefol, messire Jehan Jouel, messire Jaques Planchin, Lamit, messire Jehan l’Aymery, le bourg de Pierregorth, Loÿs Raymbault, le Lymosin, Jaques Tiquerel, moy et plusieurs autres; et tenions Auque, Saint Clement,

la Barelle, la Terrade, Brunay, le Pont Saint Denis, l’ospital de Ortifort et plus de soixante autres bons chasteauls en Masconnois, en Forests, en Bellay et en la Basse Bourgoingne et sur la riviere de Loirre. Et raenchonnions tout le paiis, ne l’on ne pouoit estre quitte de nous, ne pour bien paier, ne autrement. Et prenismes par nuit d’eschielle la Charité et la tenismes bien ung an et demy, et estoit tout nostre depuis la riviere de Loire jusques au Puy en Auvergne; car messire Seghuin de Batefol avoit laissié Auce, et tenoit la Brude en Auvergne ou il ot de prouffit ou meismes paiis cent mille frans et dessoubs Loire jusques a Orleans, et aussi toute la riviere d’Allier; ne l’Arceprestre qui lors estoit capitaine de Nevers et qui estoit bon François, n’y pouoit remedier, fors tant qu’il congnoissoit les compaignons, pourquoy a sa priere on faisoit bien aucune chose pour luy. Et fist le dit Arceprestre adont ung trop grant bien pour le paiis de Nyvernois, car il fist fermer la cité de Nevers. Autrement elle eust esté perdue et courue par trop de fois, car nous tenions bien en la marche, que villes, que chasteaulx, plus de XXVII; ne il n’estoit chevallier, ne escuier, ne riche homme, se il n’estoit apactis a nous, qui osast yssir hors de sa maison, et ceste guerre faisions lors au veu et au tiltre du roy de pb 40 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.