et vindrent au seigneur a l’eure
que il fut descouchié et luy dirent:
"Monseigneur, n’avéz vous point
oÿ en nuit ce que nous avons oÿ?"
Le sire de Corasse se faigny et dist:
"Non; quelle chose avéz vous oÿ?"
Adont recorderent ilz et luy dirent
comment l’on avoit tempesté parmy
son chastel et retourné et cassé
toute la vaisselle de la cuisine. Il
commença a rire et dist qu’ilz l’avoient
songié, et que ce n’avoit esté que
vent. "En nom Dieu," respondi la dame,
"je l’ay bien oÿ." ¶ Quant ce vint
l’autre nuit aprés enssieuvant,
encoires revindrent ces tempesteurs
mener plus grant noise que devant.
Et frapper les coups moult grans
a l’uys et aux fenestres de la chambre
du chevallier. Le chevallier sailly
sus enmy son lit. Et ne se pot ne volt
abstenir que il ne demandast: "Quy
est ce la qui ainsi hurte a ma cham
bre a ceste heure?" Tantost luy fut
respondu: "Ce suis je." Le chevallier
dist: "Quy t’envoie cy?" "Il m’y envoie
le clerc de Casteloigne a qui tu faiz
grant tort. Car tu luy tolz le droit
de son heritaige. Si ne te lairay en
paix tant et si longuement que
tu luy auras fait bon compte et
qu’il soit de toy content." Alors dist
le chevallier: "Comment t’appelle l’on,
quy es si bon messaigier?" "On me
appelle Horton." "Horton," dist messire pb 69 v