The Online Froissart

Facsimile mode Settings Browse | Collate

pb 72 r

Bretaigne qu’il voulsist mettre cure et diligence a reconquerir son heritaige, le chastel de Brest, qui grandement estoit au prejudice de luy, quant Anglois le tenoient. Le duc, tant par priere des dessus nommés comme pour ce aussi, au voir dire, que il veïst voulentiers que il fuist sire de Brest (car on dist en plusieurs lieux qu’il n’est pas duc de Bretaigne, qui n’est pas sire de Brest), avoit une fois

mis siege devant, mais riens n’y avoit fait, et s’en estoit party, et disoit que l’on n’y pouoit riens faire. Dont aucuns chevalliers et escuiers de Bretaigne murmuroient en derriere et disoient que il se faingnoit et dissimuloit, et que ceux qui le tenoient, estoient ses grans amis, et ne vouldroit pas: que il feust autrement en ses mains, ne en la saisine du roy de France; car, se les François le tenoient, il n’en seroit point seigneur, mais plus foible, et les Anglois, quant ils le tiennent, ne le osent courouchier. Pour quoy, toutes ces choses considerees, il estoit advis au connestable de France que le chastel et la ville de Brest, qui la estoit a ferme terre et qui estoit ennemy au roiaulme de France, ou cas que le duc de Bretaigne le mettoit en nonchalloir, ne gisoit pas honnourablement pour luy, ne pour les barons et chevalliers de Bretaigne. Si ordonna a mettre siege devant, et envoia grant

nombre de chevalliers et d’escuiers de Bretaigne, desquels il ordonna souverains maistres et capitaines le seigneur de Malattrait, le visconte de Berliere, Morfouace et le seigneur de Roche Durant. Ces quatre vaillans hommes s’en vindrent mettre le siege au plus pres de Brest que ils porent, et firent faire et charpenter une moult belle bastide et environner de pallis et de portes, et clouyrent a ceulx de Brest toutes leurs aisances et yssues fors celles de la mer; car il n’estoit pas en leur puissance de leur clorre l’issue de la mer. Et vous dy que devant Brest avoit moult souvent aux barrieres escarmuches et fais d’armes; car les compaignons qui desiroient les armes, tout esbatant s’en venoient jusques aux barrieres traire et lancier et resveillier ceulx de Brest, qui aussi les

recueilloient et les recepvoient aux armes vaillamment; et, quant ils s’estoient combatus une longue espace (telle fois en y avoit des navrés et fort blechiés d’une partie et d’autre), ils se retraioient. Mais peu de jours estoient qu’il n’y eust quelque chose et quelque advenue de fait d’armes entr’euls, car dedens Brest avoit bonne garnison et forte de gens d’armes et d’archiers. pb 72 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.