pb 160 r
au grant. Nous avons voulenté d’aler veoir nostre ville de l’Esclu
se. Soyéz nous bons et loyaulx subjectz et nous vous serons
bon seigneur." Et l’endemain, monseigneur, madame et
madame de Nevers se partirent de Gand et s’en allerent
a Ardembourg faire leur perelinage et devotion a Nostre
Dame d’Ardembourg, et y firent leurs offrandes monseigneur,
madame et madame de Nevers, et aussi firent pluiseurs
chevaliers et escuiers de la compaignie. Et disna mon
seigneur et les dames en la ville. On leur fist depar
la ville de beaulx presens. Aprés disner monseigneur
et les dames se partirent d’Ardembourg et s’en alerent
a l’Escluse, ou ilz furent tresbien receuz et leur fist on
tresgrande obeissance et honneur. Et de beaulx dons
et presens a mon dit seigneur et mesdames. Aprés
que monseigneur et madame de Bourgongne eurent sejour
né a l’Escluse trois jours, ilz se partirent et vindrent
au giste a Bruges sur le tart, et jamais l’on ne veit
plus belle alumerie que ceulx de Bruges firent a la
venue et entree de monseigneur et de madame de Bourgongne en la dicte ville. Je laisseray le duc et duchesse
de Bourgongne, conte et contesse de Flandres, en leur ville de
Bruges ensamble madame de Nevers, leur belle fille.
Or feray fin a ce present livre et guerres de Gand,
lequel a esté escript par moy Hector Saudoyer aliaz
de Harchyes, l’an de Grace mil cinq cens et trente
cincq, et a moy appertenant, etc.
Aultre me quiers
Saudoyer.