Gap: sampling
SHF 1-18 sync ¶ Comment messire Hue le Despensier fut
justicié. XIIIe.
Quant la feste fut passee et le dit
messire Hue, qui point n’estoit
amé la endroit, fut amené par
devant la royne et tous les barons
et chevaliers qui la estoient assembléz,
illecques luy furent ramenteuz
tous ses faiz par escript et oncques
ne dist riens a l’encontre. Si fut
jugé par plaine sentence des barons
et chevaliers par telle maniere comme
vous orrés. Premierement il fut
trainné sur ung bahu a trompes
et a trompetes par toute la dite ville de
Harfort, de rue en rue. Et puis fut
amené en une grant place en
la ville, la ou tout le peuple
estoit assemblé. La endroit il
fut lié hault sur une eschelle,
si que tous, petis et grans, le
pouoient veoir. Et avoit on fait
en la dite place ung grant feu.
Quant il fut ainsi lié, on luy coupa
tout premierement le vit et les
coilles, pour tant qu’il estoit
herite et sodomite, ainsi que on disoit
mesmement du roy et pour ce
avoit deschassé le roy la royne
par son enhortement. Quant le vit
et les coilles luy furent couppees,
on les gecta ou feu pour bruler,
et aprés, luy fut le cuer tiré hors
du ventre et gecté ou feu pour
tant qu’il estoit faulx et traistre
du cueur et que par son traistre pb 3 v