Qui estoit abatu, s’estoit sans relever.
La ot maint homme mort et navré et mis
a grant meschief. La fu messire Jehan
Harleston porté par terre et en tresgrant
aventure de sa vie mais par force il fu
rescoux et relevé. La bataille dura long
uement et moult fort fut combatue bien
continuee tant d’un costé comme d’autre
et ne l’eurent mie les Angloys davan
taige car il en y ot pluseurs mors, na
vréz et mehaigniéz angoisseusement
et aussi pareillement des Françoys.
Finablement les Anglois se combatir
ent si longuement et de si grant ceur
qu’ilz obtindrent la place et furent
desconfiz et mors ou pris, petit s’en
sauva de gens d’onneur car ilz s’estoi
ent si fors combatus et mis si hors
d’alaine et de puissance qu’ilz n’avoient
nul pouoir d’eulx partir, ains vouloi
ent tous mourir ou vaincre leurs
ennemis. La fu pris messire Guillaume
des Bordes en bon convenant d’un
escuier de Haynnault appellé Guillaume
de Beaulieu, appert homme d’armes et
qui grant temps avoit jeü anglois
es forteresses de Calais et estoit armé
de Crasignies. A cestui se ren
dy doulent et courroucié de ce que
la journee n’avoit esté pour luy. La
vit on Anglois mettre François a grant
meschief et pluseurs François priso
nniers en la fin de la bataille et ma
int gentilhomme mort de quoy ce fut
pitié. Quant les Anglois orent les
mors despouilléz, messire Jehan Ha
rleston et les siens se partirent de la
place et emmenerent leurs prisonn
iers et leur gaing arriere dedens Chie
rebourc, si pouéz bien croirre que les
Anglois menerent grant joye cel
le nuyt de la bataille adventuree
et journee que Dieu leur avoit donnee.