VI ou VII lieuwes loing ensus del host
le
roy ardant et essillant le païs. Sy
trouverent le païs gras et plenti
veus de toutes coses, les graignes
plain
nes de blés, les maisons plainnez de tou
tes rikeches, riches bourgois, chars,
charettes et
chevaus, pourchiaus, bre
bis et moutons et les plus biaus buefs
dou monde que on nourist ens ou
païs. Sy en prisent a leur volenté,
desquels qu’il veurent, et amenerent
en l’ost dou
roy. Mes li varlet
ne donnoient point, ne rendoient
as gens le
roy l’or et l’argent
qu’il
trouvoient. Anchois le retenoient pour
iauls. Ensy chevauchoit
messires Gode
frois de Harcourt cescun
jour d’encos
te le grant host le
roy au destre
costet, et revenoit le soir o toute
sa compagnie la ou il sçavoit que
li
rois debvoit logier. Et tels fois
estoit qu’il demoroit deus jours
quant il trouvoit gras païs et assés
a fourer. Sy prist li dis
rois son
chemin et son charoy deviers
Saint
Leu en Constentin. Mes anchois
qu’il y parvenist, il se loga sus une
riviere trois jours, attendans ses gens
qui avoient fait le
chevaucie sus
le marine, ensy que vous avés oy.
Quant il furent revenu
et il eurent
tout leur avoir mis a voiture, ly
contes de Warvich et li
contes de
Sufforch, et
messires Thumas de Hollan
des et
messires Renauls de Gobehen et leur route reprissent le che
min a senestre, ardant et essillant
le païs, ensy que
messires Godefroi de
Harcourt faisoit. Et li
rois chevau
choit entre ces batailles et tous les
jours se trouvoient il ensamble.
SHF 1-259 sync
Ensy par les
Englés estoit ars
et essilliés, robés et gastés
et pilliés li
bons païs et li gras
de Normendie. Dont les plaintes
et les nouvelles vinrent au
roy
de France, qui se tenoit en le
chité
de Paris, conment li
rois d’Engleterre estoit arivés en
Constentin et gas
toit tout devant lui a
destre et a se
nestre. Dont dist li
rois Phlip
pes et jura que jamais ne retourroient
li
Englés sy aroient esté combatu.
Et les destourbiers et anois qu’il fa
soient a leurs gens leur seroient
chier vendu. Sy fist tantos et sans
delay li dis
rois lettres escripre a
grant fuison et envoia premierement
deviers ses
bons amis de l’
Empire pour tant que il li estoient plus lon
tains.
Premierement au
gentil
roy de Behagne, que moult amoit,
et ossy a
monsigneur Charle de Behagne, son
fil, qui des lors s’appeloit
rois d’Alle
magne. Et en estoit
rois notore
ment par l’aide et pourcach de
monsigneur
Carle son pere et dou
roy de France et avoit ja encargiet
lez armes
de l’
Empire. Sy les pria li
rois
de Franche sy a
certes comme il peut
que il venissent o tout leur effort
car il voloit chevaucier
contre les
Englés, qui li ardoient et gastoient
son
païs. Ly
dessus nommés
signeurs ne se
veurent mies excuser, mes fisent
leur amas
de gens d’armes d’
Alle
mans et de
Behagnons et de
Luzem
boursins. Et
s’en vinrent en
Fran
ce deviers le
roy efforciement. Ossi
escripsy li dis
rois au
duch de Loe
rainne, qui le vint servir a plus
de CCCC lanches. Sy i vint li
conte de Saumes en Saumois, li
contes de Sallebruges, ly
conte
de Flandres, ly
conte
Guillaume de
Namur, cescuns a moult belle rou
te. Encores escripsy li
rois et man
da especialment
monsigneur Jehan de
Hainnau, qui nouvellement s’estoit
aloiiés a lui par le pourcach dou
conte Loeis de Blois son fil, et dou
signeur de Fagnuelles. Sy i
vint li
gentils sires de Biaumont,
monsigneur Jehan de
Hainnau, servir le
roy de France moult estoffeement
et a grant fuison
de bonne bachelerie
pb 102 r