deriere de pluisseurs hauls barons dou
royaume
de Franche et des
dus et des contes marcissans
au dit
royaulme.
SHF 1-341 sync
Assés tos apprés le mort dou
conte de
Ghinez, dont touttez manierez
de bonnez gens
furent courouchiet, fu pris et emblés li
fors et
li biaux castiaux
de Ghinez, qui est ung des
biauls castiaus dou monde, et fu accatés a
bons
deniers sés de monsigneur Jehan de Biaucamp,
chappitainne de Calais, et
delivrés de chiauls
qui le vendirent as
Englés, qui en prisent le
saisine et possession et ne l’euissent rendu
pour nul avoir. Quant les nouvellez en
vinrent
a
Paris, ly
roys de Franche en fu durement
courechiés, che fu raison, car de forche il
n’estoit miyes a reprendre, sy en parla a
son
cousin le cardinal de Boulongne en priant
que il volsist mander a
chiaus de Calais qu’il
avoient mal fait quant dedens trieuwes il
avoient pris et
emblet le
castiel de Ghines et
que par che fait il avoient les trieuwes en
fraintez. Ly
cardinaus a l’ordounanche dou
roy obey et envoiia
certains messages a
Ca
lais deviers monsigneur Jehan de Biaucamp en ly re
monstrant que il avoit trop mal fait quant
il avoit consenti a prendre et
embler en trieu
wez le
castiel de Ghinez et que par che point
il avoit les
trieuwez enfraintez, se ly
mandoit que che fust deffais et ly
chast
iaus
remis ariere en le main dez
Franchois.
Messires Jehan de
Biaucamp fu tantos conseilliés
dou respondre, et respondi qu’il n’esqueoit
nul
homme en trieuwez et hors trieuwez
a accater castiaus,
terrez, possessions et hiretages
et que pour che ne sont miez trieuwez enfraintes
ne
brisiez. Il n’en peurent chil qui envoiiés
y furent, aultre chose avoir, si demora la
cose en tel estat et obtinrent li
Englés le
fort castiel de Ghinez, qu’il n’euissent ren
du pour nul avoir.
SHF 1-342 sync
En che tamps et en chelle saison de
visa et ordonna ly
roys Jehans de
France une
belle compagnie grande et noble
sus le maniere de le Table
Ronde, qui fu jadis
au temps dou
roy Artus. De laquelle com
pagnie
devoient estre CCC chevaliers, li plus
vaillant as armes et ly plus
souffissant
dou
royaume de Franche et debvoient
estre appellés chil
chevalier ly
chevalier de l’Estoille.
Et debvoit chescuns chevaliers de le dicte
compagnie porter une estoille d’or ou d’ar
gent doree ou de pierllez sus
son deseurain
viestement, pour recongnissanche de le
compagnie. Et eult
adont li
rois Jehans en couvent as compagnons de faire une
belle maison
et grande a sen coust dalés
Saint Denis, la ou tout li compagnoil et
confrere devoient repairiier a touttez les
fiestez sollempnellez de l’an, chil qui
seroient
ens ou païs, se il n’avoient trop grant ensongne
qui les excusast, ou a tout
le mains cescuns
une fois l’an, et debvoit estre appellee li
noble maison
de l’Estoille. Et y debvoit li
rois au
mains une fois l’an tenir court
pleniere de
tous les compagnons. Et a celle court debvoit
chascun des compagnons
raconter touttes les aven
turez sus sen serment qui avenuez ly estoient en
l’an, ossy
bien les honteuses comme lez hounera
bles. Et ly
rois debvoit establir II clers ou III
sour ses couls, qui touttez ches aventures devoient
mettre en escript et faire de ches aventures ung
livre, affin que ches aventurez ne
fuissent myes
oubliies mais raporteez tous les ans en place
pardevant les
compagnons, par quoy on peuist sçavoir
les plus preus et honnourer chascun seloncq
che qu’il seroit. Et ne pooit nuls entrer en
celle
compagnie se il n’avoit le
consent dou
roy et de la grignour partiie des compagnons
et se il n’estoit
souffissans sans diffame de
reproche. Et leur convenoit jurer que jamais
il ne
fuieroient en battaille plus loncq que de IIII
arpens a leur advis, ainchois
moroient ou se
renderoient pris et que chascuns aideroit et secourroit
l’autre a
touttez besongnez comme loiial amis. Et
pluisseurs aultrez status et ordenanches que
tout ly
compagnon avoient juret. Sy fu la
maison noble priesque faite, et
encores est elle
asséz priéspriés asséz
de
Saint Denis. Et se il avenoit que aucun des
compagnons de l’Estoille en vielleche euissent
mestier de estre aidiet et que il fuist
afoiblit
de corpz et amenri de chevanche, on ly de
voit faire ses frés en le
maison bien et honou
rablement pour lui et pour II varllés, se en le
maison volloit demorer affin que la compagnie
fuist mieux detenue.
Enssy fu ceste cose
ordonnee et devisee. Or avint que, assés tost
apriés ceste
ordenanche emprise que grant fuison
de gens d’armes issirent hors d’
Engleterre et vin
rent en
Bretagne pour conforter la
contesse
de
Montfort. Tantos que li
rois de Franche le
sceut, il envoiia celle part monsigneur Guy de Neelle,
son mareschal et grant fuison de bons chevaliers pour
contrester as
Englés. En chelle chevauchie
allerent fuison de ches
chevaliers de l’Estoille. Quant il
furent venu en
Bretagne, li
Engléz fisent leur
besongne sy soutieument que par I
es embuscement
qu’il fisent, ly
Franchois, qui s’embatirent
trop
avant follement, furent tout mort et desconfi et
y demora mors sus la plache messires Guy de
Neelle, sires d’Aufemont en Vermendois, dont
ce fu
damagez car il estoit vaillans chevaliers et
preus durement et avoecquez lui demorerent
plus de
IIII
XX et X chevaliers de
l’Estoille
pour tant qu’il avoient
juret que jamais ne fuieroient car se ly serement
n’euist esté,
il se fuissent bien retrait et sauvet.
Enssy se desrompi ceste
noble compagnie
de l’Estoille avoecquez lez grans meschié
gs qui
avinrent depuis en
Franche, si come vous
orés recorder avant en l’istore.
SHF 1-343 sync
En che tamps et en celle saison avoit
ly
rois de Franche dalés lui I
chevalier que durement amoit, car il avoit esté nouris
avoecquez lui
d’enffanche, c’estoit
messires Carlez
d’Espagne, et l’avoit li
rois fait
connestable
de Franche et l’avanchoit en quanqu’il pooit
pb 140 v