archiers ariveroit en
Normendie sus la terre
dou
roy de Navarre. Sy fist li dis
roys faire ses
pourveanches
grandez et grosses pour touttez ches
besongnes parfurnir, et manda partout gens d’ar
mes la ou il les pooit avoir. Sy se departirent
d’
Engleterre en
III pors ou havenes auques
en une saison ces III hos. Ly
princes de Galles s’en alla deviers
Bourdiaus
a M hommes d’ar
mes et II M archiers et toutte fleur de
cheva
lerie avoecquez lui. Premierement de se route estoient
li
contes de
Sufforch, li
contes d’Askesufforth,
ly
contes de Warvich et li
contes de Saslebrin,
messires Renauls de Gobehen, le baron de
Stanfort,
messires Jehans Camdos, qui ja avoit le renommee
d’estre
ly uns des meilleurs chevalliers de toutte
Engleterre, de sens, de forche,
d’eur, de fortune,
de haute emprise et de bon conseil et par espe
cial ly
rois avoit
son fil le prinche recommendé
a luy et en sa garde. La estoient li
sires de
Biercler, mesires James d’Audelee et mesires Pieres
ses freres, mesires Bietremieus de Brouhes, ly
sires de le Ware, mesire Thumas et mesirez
Guillammez de Felleton, li sires de
Basset, mesires
Estievene de Gonsenton,
mesires Edouwars, sirez
Despensiers, ly sires de Willebi,
mesires
Ustasses
d’Aubrecicourt et messires Jehans de Gis
telles et pluisseur aultre que je
ne puis
mye tous nommer. Sy me tairay dou
prince et de ses gens, et ossy
dou
ducq de Lancastre,
qui ariva en
Bretagne, et parleray dou
roy
d’Engleterre et de sen armee, qui en che
temps volt venir en
Normendie sus la terre
dou
roy de Navarre.
SHF 1-346 sync
Quant ly
roy d’Engleterre eult fait
touttes ses pourveanches, il
monta en mer
ou
havene de Hantonne atout II M hommez
d’armes et IIII M archiers. Sy estoient en
se compagnie ly contes
d’Arondiel, li contez
de Norhantonne, li contes de Herfort, ly
contes de Stafort, li contes de le Marce, li
contes de
Hestidonne, li contes de Cornuaille,
li evesques de Lincolle et
li evesque de Win
cestre, messires Jehans de Biaucamp, messires Rogier
de Biaucamp,
messires Gautiers de Manni, li
sires de Manne, ly sires de Montbray,
li sirez de Ros, li sires de Persi, li sires
de Nuefville, messires Jehans de Montagut, ly
sires de Grastok, li sires de Clifort,
messires
Simons Burlé, messires Richars de Pennebru
ge, messires Alains de
Bouqueselle et pluisseurs
aultres barons et chevaliers, desquels je ne puis
mie
faire de tous mention. Sy s’adrechierent
li
rois, ces gens d’armes et ceste
armee devers
Normendie pour prendre terre a
Chierebourch,
ou li
rois de Navarre les attendoit. Quant
il furent entré en
mer et il eurent singlé I
jour, il eurent vent contraire et les convint
retourner en l’
ille de Wiske et la furent
XV jours, et quant il s’en partirent, il
ne se
peurent adrechier viers
Chierebourc, tant
leur estoit li vens
contraires, mes prisent
terre en l’
ille de Gronesce a l’encontree de
Nor
mendie et la furent I grant temps car il ooient
souvent nouvellez dou
roy de Navarre,
qui se tenoit a
Chierebourch. Bien estoit
li
rois de Franche enformés de ches
armees que li
rois d’Engleterre en
celle
saison avoit mis sus et comment il tiroit a
venir et ariver en
Normendie et que li
rois de Navarre s’estoit aliiés a lui et le
volloit et ses gens mettre en ses fortereces.
Sy en fu enssy dit et remonstré au
roy
de Franche par grant deliberation de
conseil que ceste guerre de
Normendie ly
pooit trop grever ou cas que ly
roy de Na
varre
possessoit des villes et des castiaus
de le
conté d’Ewrues et que mieux valloit
qu’il se dissimulast I petit et laissast a
dire deviers le
roy de Navarre que
dont que
ses royaumes fust sy mallement
grevés ne menés. Ly
roys
de Franche,
qui estoit de grant conception hors de
son aïr, regarda que
ses
consauls le con
seilloit loiaument, sy se rafrena de son
mautalent, et leissa
bonnes gens ensonni
ier et convenir de lui et dou
roy de
Navarre. Sy furent
envoiiet a
Chierebourc deviers le
roy de Navarre li
evesques
de Baieus et li
contes de Salebruce, qui
parllerent sy
douchement et sy bellement au
roy
de Navarre et li remonstrerent tant de
belles raisons coulourees que li dis
rois se leissa a dire et entendi a raison,
parmy
tant ossy qu’il desiroit le paix a
son grant
segneur le roy Jehan de
Franche, mais ce
ne fu myes sy tos fait, anchois y eult
moult de parolles
retournees anchois
que ly paix venist et que li
rois de
Navarre vosist
renonchier as trettiés qu’il
avoit et as alianches dou
roy d’Engleterre,
et
quant la paix entre lui et le
roy de Franche fu toutte accordee et seellee et qu’il
re
noncha en lui excusant moult sagement
des alianchez qu’il avoit au
roy
d’Engle
terre, sy demora
messires Phlippres de Navarre
ses freres
englés et sceut trop mauvaix
gre au
roy son frere de che qu’il avoit tra
veilliet le
roy d’Engleterre de venir sy a
pb 142 r