estoient oultre a
Faukemberge et l’avoient ses
gens toutte robee et pillie. A l’endemain s’en
parti li
rois d’Engleterre et toutte son host
et passerent a
Liques et
desoubs
Arde et ren
trerent ce jour en le
ville de Calais.
Messires
Ernouls d’Audrehen, qui allant et venant avoit
toudis costiiet les
Englés et tenus si cours,
que li arieregarde ne s’estoit oncques oset
dessouchier, poursievi les
Englés de sy
priés que au rentrer en
Calais il se feri en
la keuwe et parti a leur butin et eult de
leurz
chevauls et de leur peillage et bien X
ou XII
prisonniers et puis s’en retourna en le
bastide d’Arde, dont il estoit
chappitains.
Che proppre jour vint li
rois de France gesir a
Faukemberge et toutte sen host
la environ, ou bien avoit plus de C M hommez.
Si se tinrent la li
Franchois celle nuit et
l’endemain au matin vint li
marescaus
de Franche, mesirez Ernouls d’Audrehen,
qui apporta nouvelles au
roy que li
Englés estoit retrait en le
ville de Calais. Quant
li
rois de Franche
entendi ces nouvelles,
sy demanda conseil quelle cose il feroit.
On li dist que de
chevauchier plus avant
contre les
Englés il perderoit se painne mais
se retraisist viers
Saint Omer et la
aroit nouvel advis. A ceste
ordenanche s’a
corda li
rois et se retraist viers
Saint
Omer et touttes ses gens ossy et se lo
ga li dis
rois en l’
abeye de Saint
Bertin, qui
est abbeye royaux. La manda li
rois tous les barons et les
plus especiauls
de
son conseil a sçavoir comment de ceste che
vauchie il
poroit issir a sen honneur, car
il estoit enfourmés que li
rois d’Engleterre estoit encores arestés a
Calais. Si fu a
dont li
rois conseilliés
qu’il envoiiast
monsigneur Ernouls d’Audrehen et
monsigneur Bouchicau deviers le
roy d’Engleterre, lesquelz
II chevalierz il congnissoit assés bien, se li demandaissent
battaille de cent
a cent ou de M a M
ou de pooir a pooir "et que vous li liverés
plache et pieche de terre par l’avis de VI de
vos chevaliers et de siis des siens." Ly
rois tint
ce
conseil a bon et monterent li
doy chevalier et se
departirent de
Saint Omer et chevaucierent
viers
Calais et
envoiierent devant I hiraut pour
empetrer ung saufconduit pour aler parler
au
roy d’Engleterre. Ly hiraus s’esploita sy
bien que le
saufconduit il leur raporta a
Arde. Dont chevaucierent li
dessus chevalier oultre
et vinrent
jusquez a
Calais. En ce propre jour
au matin estoit arivés ou
havene de Calais chils qui apportoit lez nouvelles de
Ber
vich comment li
Escot avoient pris le
chastiel
de Bervich et vollut escieller
Rosebourch.
Si en estoit encores li
rois tous pensieus
et
merancolieus et en avoit parllet
ireusement au segneur de Grastok, qui la
ter
re de Bervich, le chité et le dit castiel avoit en garde quant il s’en estoit
partis, tel
lement que il n’y avoit mis sy bonnez gar
des que nuls damages ne l’en
fust pris,
et de che l’avoit il grandement blamé.
Mais li sires de Grastok
s’estoit a son po
oir excusés en disant que il y avoit leis
siés gens assés mes qu’il en
euissent esté
bien songneus. Sy avoit ordonné li
rois de retourner en
Engleterre et dit
enssy que lui venut a
Douvres, il ne
giroit
jamais en une ville que une nuit, si
aroit esté a
Bervich et
atourné tel le
païs que on diroit: "Chy sist
Escoche." Non
obstant ce et l’ordenance que il avoit
mis de retourner en
Engleterre,
quant il
sceut que li
chevalier de sen aversaire le roy
Jehan voloient
parlementer a lui, il cessa de
son ordenanche tant que les euist ois et les
fist venir
avant devant li et ne leur
fist nul samblant,
de retourner en
langage ne autrement, que il vosist
partir sy soudainnement ne retourner en
Engleterre.
SHF 1-351 sync
Quant
messires Ernouls d’Audrehen et
mesire Boucicaus
furent venu devant
le
roy, il l’enclinerent et saluerent bien et
a point, ensy
que il le sceurent bien faire
et c’a lui apertenoit, et puis li remon
strerent pourquoy il
estoient la venu en
requerant la bataille, enssy que chy dessus
est contenu, et qu’il estoient chargiet
dou dire. Ly
rois d’Engleterre respondi
a
ce briefment en regardant sus
monsigneur Bou
chicau et leur dist: "Dou
temps que j’ay
chevauchiet en
Franche et logiet
devant
Blangis bien X jours, je ly manday,
enssy que vous sçavés, que
je ne desiroie
aultre cose que la bataille. Ores me sont
venuez aultres nouvelles
pourquoy je ne me
combateray mies a le vollenté de mes en
nemis." Ce fu la
response finable que il en
peurent dou
roy avoir et porter. Si prisent
congiet et se partirent de
Calais et retour
nerent ariere a
Saint
Omer et recorderent
au
roy de France et a
son conseil la
response
tout enssy que il l’avoient entendu et rete
nu dou
roy d’Engleterre. Si eurent li
François sur ce avis et veirent bien que pour celle
saison il ne se combateroient point as
Englés.
pb 144 r