samble, tant qu’il furent en
leur païs,
et passerent
devant
Rosebourch et puis parmy la terre le
segneur
de Persi et fisent tant que il vinrent au
Noefcas
tiel sur Thin,
et la se
repossesserent et rafre
quirent, et donna li
rois d’Engleterre congiet
a touttez ses manieres de
gens pour retraire cas
cun en son lieu. Si se missent au retour et
li
rois
proprement ossy, qui petit sejourna sus le
paÿs, si fu venus a
Windesore, ou
madamme la
roynne se femme tenoit l’ostel grant et estoffet.
Or nous reposerons nous a parller une espasse
dou
roy d’Engleterre et
parlerons de
son ains
net fil, monsigneur Edouwart, prinches de Galles,
qui fist en celle saison et mist sus une grande
et belle chevauchie de gens d’armes englés
et gascons, et lez mena en I païs ou il fisent
grandement bien le pourffit et ou
oncques
Engléz n’avoient esté, et tout che fu par l’ordenance
et
ennort des
Gascons que li dis
princhez avoit
dallés lui de son
conseil et en sa compagnie.
Vous avés bien chy dessus oy recorder comment
aucun baron de
Gascongne vinrent en
Engleterre et fisent priiere au
roy d’Engleterre qu’il leur
vosist baillier
son fil le
prinche de Galles pour
aler en
Gascongne avoecquez yauls et que
tout
chil de pardedela, qui pour Englés se tenoient, en
seroient trop grandement
resjoy et reconforté
et comment li
rois leur accorda et delivra a
son
fil M hommes d’armes et II M archiers, ou
il avoit
grant fuison de bonne chevalerie, desquels
de nom et de sournom et lez plus renommés
j’ay fait mention. Siques quant li
prince fu
venus a
Bourdiaus, ce fu environ le Saint Mi
chiel il manda tous les barons et
chevaliers de
Gascongne, desquelz il pensoit a estre servis et
aidiés, premierement le segneur de Labreth
et ses freres, les trois freres de Pumiers, monsigneur
Jehan, monsigneur Helye et monsigneur Ainmomon, monsigneur
Ainmeri
de Tauste, le segneur de Mucident,
le segneur de Courton, le segneur de Lon
geren, le segneur de Rosem, le segneur de
Landuras, monsigneur Bernardet de Labreth, segneur
de Geronde,
monsigneur Jehan de Greuli, captal
de Beus, monsigneur le Soudich de Lestrade et tous
les aultres. Quant il furent tout venu a
Bourdiaus,
il leur remonstra son entente et leur dist
qu’il volloit
chevauchier en
Franche et qu’il
n’estoit myes la venus pour longement
sejour
ner. Chil segneur respondirent qu’il estoient
tout appareilliet d’aler
avoecquez lui et que ossy
en avoient il grant desir. Si jetterent leur avis
l’un par
l’autre qu’en ceste chevauchie il se re
trairoient viers
Thoulose et
iroient passer
la
riviere de Garone d’amont desoubs
Thoulouse, au
Port Saint Marie, car elle
estoit durement basse et li saison belle
et secche, sy faisoit bon
hostoiier.
SHF 1-357 sync
A che conseil s’accorderent li
Englés et fist cascuns son
appareil dou plus
tost qu’il peult. Si se departi li
prinche de
Bourdiaus a belle gens d’armes et
estoient bien XV
C
lanches, II M archiers
et trois mille bidaus, sans les
Bernés que
li
Gascons menoient avoecquez yauls. Si
n’en
tendirent cez gens d’armes a prendre ne a
assallir nulle fortrece jusque a tant
que
il eurent passet
Gascogne au
Port Saint
Marie a trois lieuwez priéz de
Thoulouse et le passerent adont a gué ne passet a
voit XX
ans chil dou païs ne l’avoient
veü si petitte que elle fu en celle saison.
Quant li
Englés et li
Gascon furent oultre
et logiet ou
païs
thoulousain,
chil de
Thoulouse se conmenchierent durement a esba
hir quant il sentirent les
Engléz sy priéz
d’yauls. En che tamps estoit en
le
chité
de Thoulouse li
conte d’Ermignac, ou quel
chil de
Thoulouse avoient grant fianche et c’es
toit raisons, autrement il euissent esté trop
desconforté et a bonne cause car il ne sça
voient adont que c’estoit de gerre. Pour
ce temps la
cité de Thoulouse n’estoit
mies gramment menre que
Paris, mes li
con
tez d’Ermignach fist abattre tous les four
bours,
ou en I seul lieu il y avoit plus
de trois mille maisons et le fist pour
ce qu’il ne volloit miez que li
Englés s’y ve
nissent logier ne bouter les
feus. Che
premier jour que li
Englés eurent passet la
riviere de Garone, li
prinche et toutte son
host se logierent desus
le païs en ung
tresbiau vignoble et li coureur vinrent cou
rir jusquez as barrierez de
Thoulouse et
la y eult forte escarmuce des uns as
aultres, des gens
le
conte d’Ermignac et
des
Englés, et quant il eurent fait leur
em
prise, il retournerent a leur host et enme
nerent aucuns prisonniers. Si passerent
celle
nuit tout aise car il avoient bien trouvé
de quoy. A l’endemain au matin li
prince et tout li baron del host et leur sieuvant
s’armerent et monterent as
chevaus et se misent
en ordenanche de bataille et chevaucie
rent tout arreement,
banierez desploiies, et ap
procherent le
chité de Thoulouse. Lors
pb 146 r