chité de Thoulouse au
Port Sainte Marie la
riviere de Garone, si cargiet d’avoir que
a pain
nes pooient leur cheval aller avant, de quoy
chil de Tholouse furent
durement esmeu et
courouchiés sus les gentilshommes quant il sceu
rent que li
Englés et li
Gascon sans yauls combat
tre, avoient
rapasset la
riviere de Garone et s’estoient mis a sauveté et en parllerent moult
villainement sus leur partie. Mais tout che se pas
sa: les povres gens le comparerent
qui en eurent
adont, enssy qu’il ont encores maintenant, tou
dis dou pieur. Ches
chevauchies se desrom
pirent, car li
princes s’en retourna a
Bourdiaus et donna une partie de ses gens d’armes
congiet, et especialment les
Gascons, pour aller
viseter leur villes et leur maisons. Mais
telle
estoit li intension dou
prinche et se
leur disoit bien au partir
qui a l’esté qui re
venoit, il les menroit ung aultre
chemin en
Franche, ou il feroient plus grandement
leur pourffit
qu’il n’avoient fait, ou il y re
metteroient tout ce qu’il avoient conquis et
encores
dou leur assés. Ly
Gascon estoient
tout conforté de faire le
conmandement dou
prinche et d’aler tout partout la ou il les
voroit mener.
SHF 1-363 sync
Nous nos soufferons I petit a parler
dou
prinche et parlerons
d’aucunnes incidenses
qui avinrent en chelle saison en
Franche,
qui trop greverent le
royaume. Vous avés
bien oy compter chy dessus
comment
messires Car
les d’Espagne fu mors par le fait dou
roy
de Navarre, dont li
rois Jehan fu sy courou
chiés sus le dit
roy, quoyqu’il euist
sa
fille espousee, que oncquez depuis ne le
peult
amer, comment que par moiiens et par bonnes
gens qui s’en ensonniierent, li
rois de
France pour escieuver plus de damage en celle
annee li pardonna. Or avint que
li
consauls
dou roy Jehan l’enorterent a ce que pour avoir
aide sus ses
gens il mesist aucunne gabel
le sus le sel, ou il trouveroit grant reprise
pour paiier
ses saudoiiers. Se l’i mist li
rois et fu accordé en trop de lieus en
Franche et le levoient li impositent, dont pour celle
imposition et gabelle il
avint uns grans mesciés
en le
cité d’Arras en Pikardie, car li
commu
nauté de le ville se releverent contre les
ricez
hommes et en tuerent sus ung sammedi a heure
de terche jusquez a midi XIIII
des plus
souffissans, dont ce fu pités et damages et est
quant mescans gens
sont au desus des vaillans hommez.
Touttefois il le comparerent depuis car li
rois
de
France y envoya
son cousin monsigneur Jakemon de Bour
bon,
qui fist prendre tous chiaus par lesquels
li motion avoit estet faite et leur fist sur le
plache coper les tiestes. J’ay de ceste gabelle
touchiet I petit pour tant que
quant les nouvel
les en vinrent en
Normendie, li
païs en fu
moult
esmerveilliés, car il n’avoient point apris de
paiier tel cose. En che temps y
avoit I
conte
en Harcourt, qui sciet en
Normendie, qui es
toit si bien de
chiaus de Roem qu’il volloit.
Siques il dist ou deult avoir dit a
chiaus
de Roem qu’il seroient bien sierf et bien meschans,
se il
s’accordoient a celle gabelle, et que, se Dieus
le pooit aidier, elle ne couroit ja en
son païs,
ne il ne trouveroit si hardi homme depar le
roy de Franche
qui l’i deuist faire courir,
ne sergant qui en levast, pour le inobedience, a
mende, qui
ne le deuist comparer dou corps.
Ly
rois de Navarre, qui pour ce temps se
tenoit
en le
conté d’Euwrues, en dist otretant et
dist bien que ja ceste
imposition ne courroit en
sa terre. Aucuns baron et chevaliers dou
païs tinrent
leur oppinion et se aliierent tout par foy juree
au
roy de Navarre et li
rois avoecquez iaus
et furent rebelles as conmandemens et ordon
nanches dou
roy, tant que pluisseur aultres puis y
prirent piet. Ces nouvelles vinrent jusquez
au
roy Jehan, qui estoit chaus et
soudains,
comment li
rois de Navarre, li
contes de Harcou
rt,
mesires Jehan de Graville et pluisseur aultre
chevalier de
Normendie estoient contraire a ces
impositions et les avoient deffenduez en leurz
terres. Ly
rois retint ceste cose en grant or
gueil et grant presumption et dist
qu’il ne
voloit nul mestre en
France fors que lui.
Ceste cose se
couva I petit avoecquez aultrez
hainnes que on y atissa, et tant que li
rois Jehan fu trop malement dur enfourmés sus le
roy
de Navarre et le
conte de Harcourt et ossi
monsigneur Godefroit de Harcourt, qui debvoit
estre de leur alianche et uns des principaus,
et fu dit au
roy de France que
li
rois de Na
vare et chil de Harcourt devoient mettre
les
Englés en leur païs et avoient de nou
viel fait alianche au
roy
d’Engleterre. Je ne
sçay se c’estoit voirs ou nom, ou se on le
pb 148 v