regardoit a trop grant cose et ou cas que
ils
les en voidroit adrechier, conforter et conseillier,
il li raportoient grant cose et
mettoient en ses
mains chités, villes et chastiaus que il teno
ient en
Normendie et que li
rois de Navarre et li
contes de Harcourt
y tenoient au jour
de leur prise. Ly
rois d’Engleterre n’euist
jamais refusé
ce present, mais leur dist que
vollentiers les aideroit et feroit aidier par
ses gens. "Et pour ce que vostre fait demande has
tieve expedition et que vechi la saison qu’il
fait bon guerriier,
mon biau cousin de Lan
castre est sur les frontiers de
Bretagne.
Je li escripray et manderay especialment
que, a tout ce
que il a de gens, il se traie deviers
vous et encores y envoiray je temprement,
tant
que pour faire bonne guerre a vos enne
mis. Si conmencerés a guerrier celle saison
et toudis vous croistera et venra devant le
main force, ayde et poissance." "
Chiers sires,"
respondirent li dessus nommet, "vous nous offrés
tant
que par raison il nous doibt et poet bien
souffir et Dieus le vous puist merir!" A
priés ces alianches et ces confirmations d’a
mour, li dessus dit, qui tiroient de retourner
en
Normendie, ne sejournerent point plenté
mes ançois leur
departement, il allerent veoir
madamme la roine d’Engleterre a
Windesore,
qui leur fist grant feste, et ossy fisent touttes
les aultres
dammes et demoisielles. Apriés
ches honneurs et ces conjoissemens fait, li
dessus
dit se missent au retour, grandement
bien contenté dou
roy et de
son
consel, et leur furent bailliet C hommez
d’armes et CC archiers, desquels li
sires
de Ros et li
sires de Noefville
estoient cha
pitainne. Si fisent tant qu’il ariverent sans peril
et sans damage ou
havene de Chiere
bourch, qui est, ensy que
Calais, une des for
tes plaches dou monde.
SHF 1-367 sync
Depuis ne demora gaires de temps
que li
dus de Lancastre, qui se
tenoit
viers
Pontourson, fu segnefiiés dou
roy
d’Engleterre,
sen segneur et son cousin, que
tout le confort et aide que il pooit fai
re as
enffans de Navare et a
chiaus de
Harcourt et leurs aliiés, il le
v fesist, en
contrevengant les despis que
son adversaire
de Valois leur avoit fait. Ly
dus de
Lancastre se tint tantos pour tous enfour
més de ceste besongne et volt obeir au com
mandement dou
roy son segneur, ce fu rai
sons, et requella touttes ses gens, ou il
avoit bien V
C lances et M arciers. Si
se mist au chemin pardeviers
Normendie et deviers
Chierebourch. En se route es
toit
messires Robiers Canolle, qui se conmen
choit ja grandement a faire
et a avan
chier et estoit moult renommés ens es
guerres de
Bretagne pour le plus able et
soubtil homme d’armes qui fust en tout
tez lez routtes
et le mieus amés de
tous povrez compagnons et qui plus de
bien leur faisoit. Ly
dus de Lancastre,
messires Phlippes de Navare,
messires
Godefroi
de Harcourt et leurs gens se misent
tout ensamble, et li
sires de
Ros et li
sires Nuefville, qui avoient passet le mer
avoech iauls, et
fissent tant qu’il se trou
verent XII
C lanches et XVI
C archiers et
II M brigans a lances et a pavais et fis
sent
leur assamblee en le
chité d’Ewruez.
La estoient
messires Loeis de
Navare, li
jone
conte de Harcourt,
messires Robers Canolles,
messires li Bascles de Maruel,
messires Pieres
de Sakenville, messires Guillammes de Gauville,
messires Jehans Carbeniaus, messires Sanses Lopris,
messires Jehans Jeuiel, messires
Guillammes Bonne
mare, messires Foudrigais,
Jehan de Segure,
Fallemont, Hunekin François et pluisseurs
bons chevaliers et escuiers,
appert hommes
d’armes, qui ne desiroient fors que le guerre.
Si se departirent ces
gens d’armes d’
Ewruez en grant ordonnance et bon aroy, ba
nieres
et pennons desploiiés et che
vaucierent deviers
Vernon. Si passerent
a
Aquegni et puis a
Pasci et conmen
chierent a
pillier, a rober et a ardoir
tout le païs pardevant yauls et a
faire le plus grant essil et
le plus
forte guerre dou monde. Ly
rois de
France, qui n’en attendoit
aultre cose et qui
avoit jetté son advis et ymagination
a entrer efforciement en le
conté d’Ewruez pour saisir villes et castiaus, avoit fait
son mandement
par tout
son roiaume ossy
grant et osi fort que pour aller contre le
roy
d’Engleterre et se poissance. Si entendi
li dis
rois que li
dus de
Lancastre,
Englés et
Navarois, chevauçoient
viers
Roem et mettoient le païs en grant tribulation
pb 150 v