tout
ars et perdu. Quant li compagnon de
Bre
tuel veirent ce, sy eult entre
yauls grant
juperiie et s’escrierent haut:
Saint Jorge!
loiauté! et
Navare! loiiauté! Et puis dissent:
"Segneur françois, par Dieu, vous ne nous avés
point ensy que vous quidiés." Si
demo
ra la grignour partie de ce bierefroy ens es
fossés, ne onques depuis nuls n’i
entra,
mais entendi on a emplir les dis fossés a tous
lés et y avoit bien tous les jours XV
C hommes qui ne fasoient aultre cose.
SHF 1-370 sync
En che temps que li
rois de Franche tenoit le siege devant
Bretuel, se
departi li
princhez de Galles de
Bourdiaus
sus Garone, ou tenus s’estoit tous le temps,
et avoit fait faire ses pourveanches
sy
bielles et si grosses c’a parer, car il voloit
chevaucier en
Franche bien avant, espoir
venir jusques
Normendie et sus les frontierz
de
Bretagne pour conforter les
Navarois car bien
estoit enfourmés et segnefiiés que li
rois
ses peres et li enfant de Navare et
chil de
Harcourt avoient grans alianches
ensamble.
Si estoit li dis
princez de Galles partis en celle
instanche de
Bourdiaus atout II M hommes
d’armes et VI M archiers parmy les brigans
et tout chil baron et chevalier y estoient, espe
cialment qui furent avoecquez lui en le chevau
chie de
Charcassonne et
de le
Languedok, se
n’ont que faire d’estre maintenant nommet.
Si
chevaucherent li
prinche et chil segneur et
leur gens ordonneement, et
passerent les
rivieres Garones et
Dourdonne et puis oultre
en venant en
Roergue, le
riviere de
Dourdon
ne. Si entrerent en ce
païs de Roergue et com
mencherent a
guerriier fortement, a rançoner
villes ou ardoir, a prendre gens, a trouver pour
veances grandes et grosses, car li
paÿs estoit
lors moult bien pourveu, et
demoroit
tout brisiet et esseilliet deriere yauls.
Sy entrerent en
Auvergne et passerent et
rapasserent pluisseurs fois le
riviere d’Aillier,
ne
nuls ne leur aloit au devant et prissent
leur adreche en
Limozin pour
venir en che
bon païs et cras de Berri et trouver cel
le
riviere de Loire. De vivres recouvroient
tant li
Englés et li
Gascons que il en fasoient
grans superfluités, car ce qui leur demoroit
il ardoient et
eisseilloient. Les nouvellez
en vinrent au
roy de Franche, qui se tenoit a
siege devant
Bretuel, comment li
prinche effor
chiement
chevauchoit en
son royaume.
Si en fu ly
rois durement esmeus
et cou
rouchiés et vollentiers euist veü que chil de
Bretuel se
fuissent rendu par composition
ou aultrement, pour chevauchier contre les
Englés et deffendre
son païs, que on ly ar
doit, et toutdis entendoit on
a emplir
les fossés de tous lés et jettoient engien
nuit et jour a le
fortrece
pieres el man
gonniaus: ce les esbahisoit plus c’aultre
cose. Or avint a
I chevalier de Pikardie, qui
s’appelloit messires Robers de
Montegni en Ost
revant, a ce siege une dure aventure car
ils et
ung siens
escuiers, qui se nommoit Ja
kemars de Wingles, tout doy appert
hommez
d’armes mallement, s’en allerent I jour au
matin sus les fossés que on
avoit raem
plis, pour regarder le
fortreche. Si furent
percheu de chiaus
dedens, si issirent hors
jusquez a VII compagnon par une posterne et
s’en vinrent sus le
chevalier et l’
escuier et fu
rent assalli
fierement. Il se deffendirent, car
il avoient leurs espees et se il euissent
esté
conforté de chiaus de l’ost d’otant de
gens que chil estoient, il se fuissent bien osté
de che peril, mais nennil car onques nuls
n’en sceult riens, sy fu li
chevaliers
pris et menés
ou
castiel et navrés parmy le jenoul, dont
il demora afolés,
et li
escuiers mors sus
le plache, dont ce fu damages, et en fu
li
rois
de France bien courouchiés quant il le
sceut. Au VII
e jour
appriés entrerent li com
pagnon de
Bretuel en trettiés deviers le
roy de France pour yauls rendre car li engien,
qui nuit et jour jettoient, les
travilloient
malement et s’y ne leur apparoit confors de
nul costé, et bien sçavoient
que, se de force
il estoient pris, il estoient tout mort
sans merchy. Ly
rois de
France d’autre part
avoit grant desir de chevauchier contre
les
Englés qui ardoient
son païs et estoit
ossy tous tanés de seoir devant le
fortre
che, ou bien avoit esté et a grant fret,
que tenu toutte le saison LX
M hommez.
Si les prist a merchi et se partirent, salve
leur vie et ce qu’il en
pooient porter devant
yauls tant seullement. Si se retraissent li
chevalier et li
escuier de
Bretuel a
Chierebourch,
jusque a la eurent
il le conduit dou
roy.
Si fist li dis
rois prendre le saisine dou
biau castiel de Bretuel et remparer bien et
a point et se desloga et retourna
viers
Paris mes il ne donna nuls de ses gens d’armes
congiet car il
lez pensoit bien a emploiier aultre part.
pb 152 v