ville et bon
chastiel, mes la dicte ville estoit
foiblement fremee et peu de gent y
estoient
demoret pour le deffendre, sy fu prise
de force et y trouverent li
Englés tant de
vins et de vivres que sans nombre. Si y
sejournerent III jours pour yauls rafres
quir. La vinrent les nouvelles au
prinche
de
Galles que li rois de France estoit a
Chartres a grant
fuison de gens d’armes et
que touttez lez villes et li passage de
desus le
riviere
de Loire estoient si bien
gardet que nullement il ne poroient passer
la dicte riviere. Sy eult li dis
prinches conseil qu’il se mettroit au retour et
passeroit parmy
Tourainne et
Poito et re
venroit
tout en guerriant, ardant et es
sillant le païs a
Bourdiaus, dont il s’estoit
partis. Si s’ordonnerent pour deslogier de
Vierson, quant il eurent
fait leur bon et leur
tallent de la ville et avoient en ce se
jour pris le castiel et ochis la plus grant
partie de chiaus qui dedens furent trouvé.
Puis
chevaucierent pardeviers Romorentin.
Adont estoient envoiiet ou
païs de Berri depar le roy de Franche III grans barons
et bon chevalier durement pour garder les fron
tiers et aviser le couvenant des
Englés.
Si estoient chil premierement li sires de
Craam, messires Bouchicaus et li
Hermittez
de Chaumont, et avint
ensy que chil trois
segneurs et leur route, ou bien avoit CCC
lanches, chevauçoient sus les frontiers
en costiant les
Englés, et les avoient
poursievois ja par siis jours et n’avoient
pout
trouver leur avantage d’entrer en
yauls ne assallir, car li
Englés chevau
çoient et se logoient sy sagement que on ne les
pooit envair de nul costé ou on
peuist
riens gaegnier. Sy se bouterent I jour ly
dessus dis en embusque assés priés
de Romo
rentin sus uns pas qui estoit assés mer
veilleus et par ou il
couvenoit les
Englés passer. Ce jour s’estoient departi des rou
tes
dou
prinche et de le bataille des mares
caus et par congiet messires Bietremieus
de Bruhes, li sires de Monchident, Gas
con, messires Petiton de Courton, li sires de
le Ware, li sires de
Basset, messires Daniel Pa
sele, messires Richars de Pontchardon, mesires
Neel Lorinch, li jonez sires Despenssierz,
mesires Edouwars, li sires de Basset et
messires Ustasses
d’Aubrecicourt. Et s’en ve
noient tout chil chevalier bien monté et poo
ient yestre parmy leurs gens environ CC
pour courir devant Romorentin. Si passerent
parmy l’embusque des
François, que
onquez
ne s’en donnerent garde. Sitretos qu’il
furent oultre, ly
Franchois ouvrirent leur
embusque et ferirent chevaus d’esporons, qui
estoient ossy
monté sur fleur de courssiers et
de rades ronchins et appers. Ly
Englés,
qui
ja estoient bien avant, sentirent l’effroy des che
vauls deriere yauls, sy se
retournerent et per
churent que c’estoient leur ennemy qui les
hastoient. Si
s’aresterent tout a un fait
ensy que pour yauls attendre. Ly
François,
qui venoient de grant volenté et avisé de ce
qu’il devoient faire et tout serré, les
lancez
abaissies, s’en vinrent boutter en yauls de grant
volenté. A ce dont
s’ouvrirent li
Englés et les
laisserent passer oultre et n’en y eult des
leurs non plus que V ou VI rués de celle em
painte
par terre et puis tantos se recloirent
et missent ensamble et s’en vinrent sus
leurs
ennemis. La eut, et tout a cheval, un
puigneis et fort estecheis des lanchez et
dura li
bouteis moult longement et y eult
fait mainte belle appertise d’armes, maint chevalier
et maint escuier d’un lés et d’autre abatu et
puis par forche relevé et rescous. Et
dura ceste
cose une bonne espasse que on ne seuist a dire:
"Chils ne chils en
aront le meilleur", tant estoient
fort entoueilliet li un en l’autre et tant se com
batoient vaillamment. Entrués qu’il estoient
en cel estat, li bataille des marescaus ala
approchier, et le perchurent li
Franchois comment
elle
lor venoit sus ele en costiant I bois, sy
se doubterent de tout perdre, ensy qu’il euissent
fait se il fuissent demoret. Si se partirent
chescuns qui mieus mieus et prissent
l’adre
che deviers Ronmorentin, et li
Englés appriés, ferant, batant, sans yauls espargnier
ne leur chevauls. La eut grant encauch
et dur et maint homme mis a meschief et
reversé par terre. Touttesfois la moitié et plus
s’en sauverent et se bouterent ou chastiel de
Ronmorentin, qui leur fu
moult bien appareil
liés et qui bien a point leur vint car au
trement il euissent esté
tout pris. Si esca
perent, par especial li troy baron desus nom
met, et aucun aultre chevalier et escuier qui
estoient tres bien monté. Et fu prise li ville
de Ronmorentin de premierz venues car lors
pb 153 v