pour avanchier son corps et sen honneur.
La coustume des
Allemans ne la courtoisie n’est
myez telle car il n’ont pité ne merchi de
nul gentilhomme se il eschiet entre leurs
mains prisonniers, mes le ranchonneront
de toutte sa finanche et oultre et meteront
en fiers, en buiez et en ceps et plus
destroitez
prisons que il poront pour estordre plus grant
raenchon. Quant ce vint au
matin que
chil segneur eurent messe oye et il eurent
beu et mengié un petit et varlet
eurent
tout toursé et appareilliet et leur charoy
mis en arroy, il se deslogierent de la
et
cheminerent pardeviers le
chité de Poitiers.
En le dicte
cité de Poitiers estoit venus le
propre nuit dont la bataille avoit esté
che lundi, messires Mahiu, sire de Roye,
a bien
C lances et n’avoit point esté a le dicte
bataille mes
il avoit encontré le duch
de Normendie sus les camps assés priés
de
Cauvegni, qui s’en raloit en Franche,
si com chy
dessus est contenu. Liquels dus
li avoit dit que il se traist viers
Poitierz et toute se route et fust gardiiens et cha
pitains de la chité
jusquez a tant que il oroit
aultres nouvelles. Siques li sire de Roye,
li
venus dedens
Poitiers, pour tant que il
sentoit les
Englés assés priés, avoit tou
te celle nuit entendu as portes, as tours
et as garittes
de le ville. Et au matin
fait armer touttez manieres de gens
et chascun fait
aller a sa deffensse. Ly
En
glés passerent oultre sans point approchier,
car il estoient sy cargiet d’or, d’argent, de
jeuiaus et de bons prisonniers que il
n’avoient
mie loisir ne consel de assallir a leur
retour nulle fortreche, mais leur sam
bloit uns grans esplois pour yauls se il
pooient le roy de France et leur
conquest
mener a sauveté en le
chité de Bour
diaus. Si aloient il a petittez
journeez, ne
il ne se pooient fort esploitier pour le cause
dez pesans prisonniers et
dou grant charoy
que il menoient et ne cheminoient tous lez
jours non plus de IIII ou de V lieuwes
et se logoient de haute heure et
chevau
choient ensamble sans yaus desrouter,
excepté li bataille des marescaus, le
conte de Warvich et le conte de Sufforth,
qui aloient
devant a V
C armeurez de fier
pour ouvrir les pas et aviser le
païs,
mes il ne trouvoient point d’arest ne
nullez rencontres car tous li païs es
toit sy effraés pour le
grande desconfiture
qui avoit esté a Poitiers, et le
occision et
le prise dez nobles dou
royaume de France et le prise dou roy leur signeur que nuls ne
mettoit ordenanche ne arroy en soy pour
aler
au devant mes se tenoient touttez
gens d’armes quois et gardoient leurz
fortreches. Sus ce chemin vint a con
gnissanche a
monsigneur le prinche de Gallez comment messires James d’Audellee avoit ari
ere rendu et donné a IIII escuiers le
revenue de V
C mars que il li
avoit don
nés, sy en fu durement esmerveilliet
et le manda une fois sitretost que il se
fu
logiés. Quant messires Jamez se senti mandés
dou
prinche, il
congneut assés pour
quoy c’estoit et se fist aporter en se lit
tiere pardevant lui car il
ne pooit aler
ne chevauchier et enclina le
prinche si
tost que il le vei. Ly
prinche le rechupt assés
courtoisement et puis li dist: "Messire Jame, on
nous a donné a entendre que la revenue que
nous vous avons donné et
ottriie, vous parti de nous
et revenu en vostre logeis, vous le rendistez
et donnastes
tantos a IIII escuiers, si sarions
vollentiers pourquoy vous fesistes che, ne
se li dons
vous fu point agreablez." "Monsigneur," dist li chevalier,
"par ma foy, oil tres grandement et le raison qui me
meult au
faire, je le vous diray. Chil IIII
escuier qui chi sont, m’ont lonchtan
ls servi
bien et loialment en pluisseurs
grandes besongnez
et encorez a ce jour que je leur fich le don, ne
les avoye je de
riens remuneret leurz ser
viches et se oncquez en leur vivant ne m’euis
sent plus
servi que il fissent a le
bataille de
Poitiers, si sui je tenus de tant et plus en
viers yauls car, chiers sirez, je ne sui c’un
seuls homs et ne puis c’un homme
et sus le
confort et ayde d’yauls je empris a acom
plir le veu que de lonchtamps
avoye voé, et
fui par le forche et le bonté d’yauls premiers
assallans
et euisse esté mors et ochis en le
besongne se il ne fuissent. Dont quant j’ay con
sideré le bonté et l’amour que il me monstre
rent, je n’euisse pas esté bien courtois ne a
visés se je ne leur euisse guerdonné car, monsigneur,
Dieu merchy,
tousjours ay je assés eu et aray
tant comme je viveray, ne onquez de chavance
ne
m’esbahi ne esbahiray et se j’ai fait ceste
fois oultre vostre vollenté, chiers sire, je vous prie
que vous le me pardonnés et soiiés tous confortéz
que ossy
enterinnement comme en devant vous
serés servis de moy et des escuiers a qui
j’ay
le don donné." Ly
prinche considera
les parolles dou chevalier
et que honnourablement
et raisonnablement avoit parlé, se li dist: "Messire
Jame, de cose que vous ayés fait, ja ne vous
blasmeray mais vous en sçay bon
gre et pour
le bonté des escuiers et que tant vous voz
loés d’iaus, je leur accorde
vostre don et vous
rench VI
C mars par le maniere et condition
que devant les teniés." Messires Jamez d’Andelee
pb 163 r