tournerent au feu et le rostirent, voiant le
damme et ses enfans.
Appriés che que X ou XII
eurent la damme efforchie et
violee, il les en vo
rent faire mengier par force et puis les tuerent
et le fissent morir
de mal mort. Et avo
ient fait I roy entre yauls, que estoit si com
me on disoit adont de
Clermont en Biau
vesis, et le eslisirent le pieur dez pieurs.
Et che roy on l’appelloit le roy Jake Bon
homme. Ces mescheans
gens ardirent et aba
tirent ou
païs de Biauvesis et environ
Corbie et
Amiens et
Montdidier, plus de LXI bonnes
maisons et fors chastiaus, et, se Dieus n’y
euist mis remede par sa
grasce, li mesciés
fust sy montepliiéz que touttes communautéz
euissent destruit
gentilshommez, sainte
Eglise appriés et touttes riches gens par tous
païs, car tout en
otelle maniere sy faites genz
fasoient ens ou païs de Brie et de Partois et
convint touttez les dammes et lez damoiselles
dou païs et lez chevaliers et lez escuiers
qui escaper
leur pooient, afuir a
Miaus en Brie, l’un a
priés l’autre
en purs leurs cotes, ensy que
ellez pooient, osy bien la duçoise de Normen
die et la duçoise d’Orliiens et fuison de hautez
dammez, comme aultres, se
ellez se volloient gar
der de estre violees et efforchies et puis
appriés tuees et
mourdriies. Tout en sam
blable maniere sy faitez gens se mainteno
ient entre
Paris et
Noion et entre
Paris et
Sois
sons et entre
Soissons et
Hen en Vermendois et par toutte la
terre de Couchi. La estoient li
grant violeur et
maulfaiteur, et eissiellerent
que en le
terre de Couci, que en le
conté de
Valois,
que en l’
evesquiet de Laon, de Soissons et de
Noion plus de C castiaus et bonnes maisons
de chevaliers et escuiers et tuoient et
roboient
quanqu’il trouvoient. Mes Dieux par sa grasce
y mist tel remede de quoy
on l’en doibt
bien regraciier, si comme vous orés chy appriés.
SHF 1-414 sync
Quant li gentilhomme de
Biauvesis,
de Corbiois et de
Vermendois, de
Valois et des terres ou
ches meschans gens conver
soient et fasoient leur fourseneriie, veirent
ensy leurs
maisons destruittes et leurs
amis tués, il manderent secours a leurs amis
en
Flandrez, en
Haynnau, en
Braibant et
en
Hesebaing, sy en y vint tantos assés
de tous
costés, sy s’assamblerent li gentilhommez
estragniierz et chil dou païs qui lez me
noient, sy conmenchierent ossy a tuer et a
decoper ches mescheans gens sans pité et
sans merchi et les pendoient par fous as
arbres ou il les trouvoient. Meismement li
rois de Navare en mist I jour a fin plus
de III
M
assés priés de
Clermont en Biau
vesis, mais il estoient ja tant
montepliiet
que, se il fuissent tout ensamble, il euissent
bien esté
C M hommez.
Et quant on leur deman
doit pourquoy il fasoient
chou, il respondoient
que il ne sçavoient mes il les veoient les au
tres faire, sy le
fasoient ossy et pensoient que il
deuissent en tel maniere destruire tous lez
nobles et
gentilshommez dou monde, par quoy
nuls n’en peuist estre.
En che temps se
parti li dus de Normendie de
Paris et se doub
ta dou roy de Navare, dou prevos des marchans
et de chiaus de sa secte, car il estoient tout
d’un accord, et s’en vint au pont a Carenton
sus Marne et fist un grant mandement de gen
tilshommez la ou
il les peult avoir, et def
fia le prevost des marchans et chiaus qui le
voloient aidier.
Quant li prevost des marchans
entendi que li dus de Normendie estoit au pont
a Carenton et que il fasoit la son amas
de
chevaliers et escuiers et qu’il voloit heriier
chiaus
de Paris, sy se doubta que grans maus ne l’empre
sist et que de nuit on ne venist
courir
Paris, qui a ce temps n’estoit point fremee.
Sy
mist ouvriers en oevre, quanqu’il en
peut avoir, et recouvrer de touttez pars et
fist
faire grans fossés autour de
Paris et puis
çaingles, murs et portes et y
ouvroit on
nuit et jour et y eut le terme d’un an tous
les jours bien trois mille ouvriers. Dont ce
fu uns grans fais que de fremer sus une annee
et
d’enclore et environner de touttez deffen
ses une telle chité comme
Paris est et de
sy grant circuité.
Or vous di que che fu li plus
grans
biens que onques li prevost dez mar
chans fesist en toutte sa vie car autrement
elle euist esté depuis courue, gastee et ro
bee par trop de fois et par pluisseurs
actions, si com
me vous orés chy appriés.
Or voel je
revenir a
chiaus et a chellez qui estoient
afui a
Miaus en Brie, mais je
compteray
encores avant le mal des
Jacques.
SHF 1C-414bis sync
En che temps que je recorde de ces
maleoites gens lesquels ne nomme
Ja
ques, et le terme que ils resgnerent il fissent
tant de crueuls fais
et orribles sus les gen
tilshommes et gentillez dammes, la ou il orent
poissance de
resgner que leurs fais sont in
numerables.
Et se aviserent en leur fellon
nie
et aïr pour avoir plus grande renommee
de mal a faire et dissent entre euls li pieur
de la sexte : "Alons devant le chastiel
dou Plaisiet! Messire Mahieu de
Roye, sa fem
me et leurs enffans y sont retrait. Nous
ferons
la une trop bonne prise car il y a
jusquez a VIII fils. Se nous les
avons ensy que
nous averons, il sera grant nouvelle de leur
destruction."
A celle parolle s’accorderent et
assentirent une grande route de mau
vais et
estoient bien II M et tous lez jours
pb 168 v