et a chiaus de sa secte, et lez deparloient vi
lainnement, si
comme il estoient enfourmé.
SHF 1-421 sync
Ly
prevos des marchans de Paris et
chil de sa secte avoient entre yaus
souvent pluisseurs consauls secrés pour sçavoir
comment il se poroient parmaintenir car il ne
pooient trouver par nul moiien merchy
ne remede ou
duch de Normendie, dont
che les esbahissoit plus
c’autre cose. Sy
regarderent finablement que il valoit mieus que
ilz demorassent en vie et en bone prosperité
dou
leur et de leur amis que dont que il fuissent des
truit, car mieus leur valoit,
ce leur sambloit, a
ochire que iestre ochis. Si se aresterent dou tout
a cest estat et
tretiierent secretement deviers ces
Englés qui guerrioient
chiaus de
Paris, et se por
ta certains accors entre leurz partiez que li
prevos des
marchans et chil de sa secte devoient estre
sy au de
sus de le
Porte Saint Honnouré et de le
Por
te Saint
Anthone que a heure de mienuit
Englés et
Navarois tout d’une sorte, qui y devoient ve
nir si pourveu que pour courir et destruire
Pa
ris, les devoient trouver touttez ouvertez et ne
devoient li courir,
deporter homme ne femme, de
quelle conversation qu’il fuissent, mes tout
mettre a
l’espee ou uns signes que li ennemy
devoient connoistre entre iauls, ne seroit
trouvés as huis ou as fenestres de
chiaus
de Paris. Celle propre nuit que ce devoit a
venir, espira et esveilla Dieus aucuns
bour
gois de Paris qui estoient de l’acort et avoient
toudis esté dou
duch de Normendie, desquels
Jehan Maillars et
Simons sez frerez se faisoient
chiefs. Et furent chil par inspiration divi
ne, ensy le doibt on supposer, enfourmés que
Paris devoit estre
corue et destruite. Tantos
il s’armerent et fissent armer tous chiaus de leur
costé et
revelerent secretement ces nouvelles en
pluisseurs lieux pour avoir plus de confortans.
Et
s’en vinrent
Jehan Maillars et
si frere bien pour
veu de armeures et de bons compagnons tous
avisés pour sçavoir quel cose il devoient faire
I petit devant
mienuit a le
Porte Saint
Anthone et trouverent le
prevos des
marchans,
les clés de le
porte en ses mains. Le pre
mier parler que
Jehan Maillars li
dist, ce fu que
il li demanda par son nom: "
Estievene,
Estieve
ne, que faitez vous chy a ceste heure?" Li
prevoz respondi: "
Jehan, a vous qu’en monte dou sçavoir?
Je suy chy pour
prendre garde a le
porte et a
chiaus de le ville dont j’ay le
gouvernement."
"Par Dieu," respondi
Jehan, "il ne va
miez ensy mez
n’estez chy a ceste heure pour nul bien et je le
vous monstre",
dist il a chiaus qui estoient da
lés lui, "conment il tient les clés des portes
en ses mains pour trahir le
ville." Ly
prevoz des marchans s’avancha et dist: "Vous mentés!"
"Par Dieu," respondi
Jehan Maillars, "mez vous,
traittes, vous mentés." Et tantos feri a lui et dist
a ses gens: "A le mort, a le mort, tout hom
me de son costé, car il sont traittrez!" La
y eult entre yaus grant hustin et s’en fust
volentiers li
prevos des marchans fuis
se il peuist, mez il fu si hastéz que il ne pot,
car
Jehan Maillars
le feri de une hace
en le tieste et l’abati a terre, quoique ce fust
ses comperes, et ne se parti de lui jusques
a tant qu’il
fu ochis et siis de chiaus
qui la estoient, et li demorans pris et
envoiiéz en prison et puis commenchierent
a estourmir et a esveillier les gens parmi
les ruez de
Paris. Si s’en vinrent
Jehan
Maillars et chil de son accord jusquez
a
le
Porte Saint Honnouré et y trouverent
gens de le sorte le desus
dit
prevost, si
les encouperent de traison ne escusance
que il fesissent ne
leur valli riens. La en
y eut pluisseur pris et envoiiés en prison et
chil qui ne se leissoient prendre, estoient
tuet sans
merchi. Celle propre nuit on
en prist plus de LX en leur maisons, qui
furent tout encoupet de traison et dou
fait pourquoy li
prevos estoit mors. Car
chil qui pris estoient, confesserent
tout
le mesfet. L’endemain au matin chils
Jehan Maillars fist assambler le plus grant
partie de le
communauté de Paris
ou
mar
chiet as halles et quant il furent tout venu,
il monta sus ung escafaut et
puis remon
stra generaument pour quelle raison il a
voit ochis le
prevost des marchans et
en
quel fourfet il l’avoit trouvé et recor
da bellement et sagement de point en point
toutte l’avenue dou
prevost et de ses alo
iiés et comment en celle propre
nuit la
noble ci
té de Paris devoit estre courue et destrui
te, se Dieus par sa
grasce n’i euist mis remede,
qui les resveilla et les avoit inspirés de
connoistre ceste
traison. Quant li peuplez
qui presens estoit, eut oy chez nouvelles,
si furent moult esmerveilliet. Et esbahy
dou peril ou il avoient esté. Et en loerent
li pluisseur Dieu a jointes mains de le grace
que
fait leur avoit. La furent jugiet a
mort par le conseil des preudommes de Paris
et par certainne sieute tout chil qui esté
avoient de la secte dou dit
prevost. Si furent
tout executé en divers tourmes de mort.
Ces coses faittez et acompliez,
Jehans Maillarz,
qui tres grandement estoit en la grace de le
communauté de Paris, et aucun preudomme
pb 172 r