a tuer et a decoper gens et abatre tentes et trés
et a faire un grant esparsin, car li
François furent
pris sus un piet, tellement que il n’eurent loisir
d’iaus armer ne requeillier, mes se misent
a le fuite, chascuns qui mieus mieus, deviers
le
chité de Noion, qui leur estoit assés pro
chainne, et li
Navarois appriés. La eut grant
bataille et dur hustin et moult de gens
mors et reversés
entre
Noion et Oskans
et entre
Noion
et le Pont l’Evesque et tout
la entours et gisoient li mort et li ble
chiet a fous et a mons sus le chemin de
Noion et entre hayez et buissons et
dura
li cache jusquez ens es portes de
Noion et fu
la chité en grant peril de perdre, car ly au
cun dient, qui furent la d’un lés et d’autre,
que, se li
Navarois vosissent bien, a certez il
fuissent entré dedens, car
chil de Noion par ceste desconfiture furent sy esbahy que, quant
il
rentrerent en leur ville, il n’eurent mie
avis de clore le porte deviers
Compie
gne. Et fu pris li evesquez de Noion de
vant les barieres et
fianchiéz prisons, autre
ment il euist estet mors. La furent pris
messires Raouls
de Couci, messires Raouls de Rain
neval, li sirez de Kauni et sy doy fil, li
Bourgnez de Rouvroy, ly sires de Curote,
li sirez de Venduel, messires Anthonnez de Kod
un. Et bien C chevalierz et escuiers et en y
eult mors plus de XV
C. Et par especial
chil de le chité de Tournay y perdirent
grandement et trop grossement, car il estoient
la venu en grant estofe et tresbon
arroy et
riche. Et voellent dire li pluisseur que de VII
C que il estoient, il en retournerent moult petit
que tout ne fuissent ou mort ou pris, car
chil
de Mauconsel issirent ossy, qui paraidierent a fai
re le
desconfiture, qui fu l’an de Grasce M CCC
LVIII, le mardi
prochain apprés le Nostre Dam
me en my aoust, qui fu adont par ung samedi.
SHF 1-424 sync
Ceste desconfiture enorgilli et amonta
sy les
Navarois et leur
routtes qu’il
chevaucierent par tout le païs a leur volenté
et enmenerent le plus
grant partie de leurs pri
sonniers a Cray pour tant que il y a bonne
ville et for
te et bien seant. Et conquissent la tresgrant
avoir, tant en jeuiauls
comme en prisons que il
rancenerent depuis bien et fort. Et en devinrent
li
compagnon sy frice et sy joli que merveillez.
Et rançonnoient cez bourgois de
Tournay et
d’autres villes a selles estoffees bien et friche
ment, as fiers de
glaves, as haces et a espees,
a jackes, a jupons ou a houssiaus et a
touttez manieres
d’ostieus qu’il leur besong
noit. Lez chevaliers et les escuiers rançonnoi
ent il assés
courtoisement a mise d’argent ou
a courssiers ou a roncins, ou d’un povre
gentilhomme qui n’avoit de quoy riens paiier,
il prendoient bien le serviche I quartier d’an ou deus
ou trois, ensy que il estoient
d’accort. De vins,
de vivres et de touttes aultres pourveanches
avoient il bien et
largement, car li plas païs
leur en delivroit assés par cause de redemp
tion, ne riens
n’aloit ens es bonnes villes,
fors en larecin et par bon saufconduit que il
vendoient
bien et chier et chela tenoient il
enterinement, excepté trois coses,
capiaus de
bevenes, plumes d’osteriche et fiers de
glave, onquez il ne veurent
mettre chez
trois jolietéz ne accorder en leurz saufcon
duis. Si fisent
chil de Mauconsel depuis
ceste besongne avenue assés plus
de maus
apriés que devant et ardirent et violerent
le plus grant partie de le bonne abeye d’Oskans,
dont ce fu grans damages, et moult en des
pleut as
chapitainnez de Mauconsel quant il le
sceurent. Si s’espardirent chil
Navarois en pluisseurs
lieus, d’une part et d’autre le
riviere d’Oise
et d’Esne. Et vinrent doi hommes d’armes appert
durement, Rabigos de Duri et Robin l’Escot, prendre
par esquiellement le bonne ville de Velli, dont il
fisent une tresbonne
garnison, et le rempare
rent et fortefiierent durement. Chi doy compa
gnon avoient desouls yaus et
leurs
gaggez bien
CCCC compagnons et retenoient touttez manierez
d’autrez gens,
Allemans,
Hainnuiers,
Flamens,
Braibençons et
Hesbegnons, et leur
donnoient
certains sauls et paioient de mois en mois.
Si couroient chil de Velli, chil de Mauconsel,
chil de Cray et chil
de le Herielle partout
ou il voloient, ne nuls ne leur contredisoit,
car li chevalier et li escuier estoient tout enson
niiet de garder leurz fortreches et leurz
maisons. Et aloient
chil de Navarois et cil
Englés et chevauchoient ensy qu’il voloient,
une fois armé, l’aultre desarmé, et s’esbatoient de
fort en fort, tout ensiy comme li
païs fust bien
en pais. Ly
jone sire de Couchi fasoit bien
ses chastiaus
garder et songneusement et en
estoit, ensy que souverains et gouverneres
de toutte
le
terre de Couchi, uns
appers chevaliers
durement qui s’appelloit ly
Chanonnez de Ro
bersart, cesti resongnoient plus li
Englés et
li
Navarois que nuls des aultres car il
en rua par pluisseurs fois tamaint
jus, et ossy
fist li sirez de Roie.
SHF 1-425 sync
Or avint ensy que messires Jehan de Pinkegni,
qui estoit de le partie
dou roy de Navare,
et li plus grant de son consel, et par quel aye et
pourcach il avoit esté delivréz et qui pour
le temps se tenoit en le Herielle, a trois
lieuwez priés de le
chité d’Amiens, pourca
cha tant par son soutil langage envers au
cuns
bourgois d’Amiens et dez
plus grans de
le chité, que il les eult de son accort et de
voient mettre les
Navarois dedens le ville.
pb 173 v