en leur garnison et ossy li
passant dou pa
ïs en tuerent aucuns qu’il esclorent et qui
ne pooient sievir le route
de leurs mestrez,
ou qu’il avoient perdu leur chemin car il n’a
tendoient nului. Or
vous compteray des
Fran
çois, comment il se maintinrent. Nouvellez
leur
vinrent un petit devant le jour que li
Nava
rois s’en aloient et
estoient partis tres devant le
mienuit et pooient estre ja plus de V
grossez lieuwez loing. Quant li baron et li
chevalier de France
entendirent ce, sy furent par
samblant bien esmerveilliet et trop cou
rouchiet et
fisent sonner leur trompettez
en grant haste et se armerent et monterent
a ceval
touttez manierez de gens. La fu
demandé entre yaus quel chemin il ten
roient, sy
regarderent li signeur que de sievir
les
Navarois, les esclos qu’il
fasoient, il
ne pooient pourfiter. Mes il venroient pas
ser le
riviere de Somme au pont a Saint Quentin
et isteroient hors d’autre part au lés deviers Lienche,
par ensy advancheroient il lez
Navarois. Si
monte
rent tantos tout a cheval et chevaucierent sans
arroy, chescuns qui mieus
mieus, a l’adreche
viers le ville de Saint Quentin et vinrent la
droit a
l’aube crevant, car il n’y avoit que deus
petittes lieuwes. Si estoient tout
devant li con
nestables de France, li conte de Saint Pol, ses nepveu,
li sires de Saint Venant et aucun aultrez grans
segneur qui voloient faire
lez portes ouvrir.
Quant lez gardez de le ville, qui estoient amont
en le premiere porte, entendirent cel effroi et
oirent ces chevaus aruteillier et
sy sentoient par ad
vis leurs ennemis lez
Navarois logiés dalés iaus,
sy ne furent myez bien assegur mais ja estoit
ly pons levés, si ne leur
pooit on porter nul
contraire. Les gardes demanderent: "Qui es ce la
qui nous
approche de sy priés a ceste heure?"
Ly connestablez de France respondi: "Ce sommez nous
vo amit, tels et tels, qui volons passer parmy
ceste ville pour advanchier lez
Navarois qui sont
parti et emblet de Toregni et s’enfuient. Se nous
ouvrés tantos, nous le vous commandons depar
le roy."
Les gardez respondirent au connestable et di
sent: "Certez, monsigneur, nous n’avons pas les cléz, ellez sont
en la ville deviers les jurés." "Or tost," dist li
connestablez, "alés
les querir et nous ouvréz lez
portes." Adont descendirent doi homme
de leur
garde et vinrent en le ville deviers chiaus qui
les cléz gardoient, et
leur compterent tout ce
que vous avés oy. Chil qui oirent ches nouvel
les, furent
moult esmerveilliet et disent que
il ne feroient pas cel outrage de ouvrir les
portes
de
Saint Quentin a telle heure sans le
conseil de toutte le ville. Si fisent les hommez
de le dicte ville esveillier et estourmir et assam
bler
enmy le
marchiet. Anchois que ce fu fait,
estoit il priés de soleil levant. La fu
consel
liet et dit entre iauls comment il responderoient tous
d’un accort et puis
s’en vinrent a le porte, et monterent cil qui respondre devoient, amont en le porte et
bouterent les testes hors par lez fenes
tres et disent au connestable et au conte de
Saint Pol, qui la estoient tout devant: "Chier signeur,
aiiés nous pour escusé celle fois, c’est li consaus
de le communautéz de ceste ville que vous V ou
vous siis qui la estez, tant seullement
i entrés, se
il vous plaist, pour l’onneur de vous. Et li aultre
voisent querre voie et
adreche la ou il leur
plaist car par chy ne passeront il point." Quant
li connestablez et li contez de Saint Pol oirent
ceste responsse, sy en furent
tout abus et ne
leur plaisi miez bien et y eut la grossez parolles
et villainnes mez
nonobstant che onques
chil de Saint Quentin ne se veurent abrisier ne a
corder que il ouvresissent leur porte, sy demo
ra la cose en cel estat. Et n’eurent myez li
segneur de France qui la estoient, consel de plus
poursievir les
Navarois car il veoient bien
qu’il perdoient leur painne. Si se
departirent
tout li un de l’autre et leur donna li connesta
blez congiet. Si
s’en alla chascuns en son hostel
au plus droit qu’il peut et sceut. Et li
jone
conte de Saint Pol s’en vint en son
chastiel de Bohain, si courouchiés que
a
painnes voloit il parler a nului.
SHF 1-437 sync
Ensi se desrompi ceste grosse cheva
uchiie, ly
Franchois
d’une part et li
Navarois d’autre. Che meisme jour vinrent il a Velli
et passerent le
riviere d’Oize a gué. Si se ra
frescirent messires Phlippe de Navare et ses
freres et li contes de Harcourt et mesire
Robers Canollez. Et puis quant il sceurent que
bon fu, il
s’en partirent et retournerent en
Nor
mendie et chevaucierent
segurement de for
treche en fortreche car il estoient tout mes
tre et signeur des
rivieres et dou plat
païs et entrerent derechief en le
conté
d’Ewruez et en
l’ille de Constentin, si guerri
erent le
Normendie comme en
devant. D’autre
part se tenoit li rois de Navare a Melun
sus
Sainne a grant fuison de gens d’armes qui
guerrioient le
bon païs de Brie et
de
Gastinois et ne demoroit riens dehors les
fortreches et messires Piere
d’Andelee et
messires
Eustasse d’Aubrecicourt se tenoient en
Campagne, qui destruisoient ossy tout celi
païs. Et pensoient et
soutilloient nuit et jour
yauls et leur gens a prendre, a embler et
a escieller villes,
castiaus et fortrechez.
Dont il avint que chil de Chaalons et autour
de la chité en furent en grant peril de chiaus
de le garnison de Biaufort, qui siet entre
Troies et
Chaalons, dont messires Piere d’Ande
lee estoit chapitainne, et vous diray comment
pb 177 v