en
leur paÿs d’Escoche sans rechevoir
point de damage. Li
rois
englés et
ses
consauls entendirent a ches traictiés et
ne furent mies
sitos accordet. Car li
rois englés les voloit avoir simplement
pour faire
des aulcuns se volentet pour
tant qu’il s’estoiient tant tenut contre
lui. Mais finablement il se laissa a dire
par le boin advis et consel qu’il eut
de
ses hommes. Et ossi
messires Robers d’Ar
tois i rendi grant painne, qui
avoit
estet en ches chevauchiies toudis avech
lui. Et qui li avoit ja dit et demonstret
par pluiseurs cleres voiies com pro
chains il estoit de le
couronne de Franche,
dont il se devoit tenir hiretiers par
le succession de
monsigneur Carlon
le
roy, sen oncle, daerrainnement trespasset.
Si veist volentiers li dis
messires Robers que li
rois englés esmeuist guerre as
Franchois pour lui contrevengier des
despis que on li avoit fais et que li
rois englés se feuist partis d’
Escoche,
a quel meschief que
che fiust, et retrais
vers
Londres. Siques ches parolles
et pluiseurs
aultres enclinerent grande
ment le
roy a che que chils traictiés de
Bervich se passa. Et furent les trieu
wes acordees de chiauls de dehors
a
chiaus de dedens le mois tout compli.
Et le segnefiierent
chil de Bervich a
ceuls
de leur costet bien et a point au
roi d’Esco
che leur signeur et a
sen consel, qui ne
peurent veir ne imaginer voiie ne tour
qu’il fuissent fort
pour combatre le
roy
englés ne lever le siege. Si demora la
cose en cel
estat et fu le
chitet de Bervich rendue au chief dou mois au
roy en
glés. Et ossi li
castiauls, qui est moult
biaus et moult fors au dehors de le
chi
tet. Et en prirent li mareschal del
hoost le saisinne et le
possession de
par le
roy englés. Et vinrent li
bour
gois de le chitet
en l’ost faire hommage
et feaultet au dit
roy. Et jurerent et
recongneurent
a tenir le
chitet de Ber
vich de lui. Aprés i entra li
rois a grant
solempnité de trompes et de nakai
res et y sejourna depuis douze jours.
Et y establi et ordonna I
boin chevalier a gar
diien et a souverain qui
s’appelloit
mes
sires Edouwars de Bailloel. Et quant il
se parti de
Bervich, il laissa avecques le
dit
chevalier pluiseurs jovenes
chevaliers et
escuiers pour aidier a garder le terre con
quise seür les
Escochois et les frontieres
d’icelui
paÿs. Si s’en retourna li
rois vers
Londres et donna a toutes manieres de
gens congiet. Et
s’en rala casquns en
sen lieu et il meismes s’en revint a
Windesore ou le plus volentiers se tenoit
et
messires Robers d’Artois dalés lui,
qui
ne ciessoit nuit et jour de lui remonstrer
quel droit il avoit a le
couronne de
Franche. Et li
rois y entendoit volentiers.
SHF 1-53 sync
Ensi ala en che tamps de le chevau
chiie le
roy englés seür
les
Escos.
Il gasta et essilla le plus grant partiie
de
leur paÿs. Et i prist pluiseurs fors
castiaus que ses gens obtinrent seür les
Escos depuis I grant tamps. Et princi
paument le
boine chitet de Bervich. Et
estoiient demoret depar le
roi englés pour tenir les frontieres pluiseur ap
pert bacheler, chevalier et escuier entre les
quels
messires Guillaumes de
Montagut, et
messires Gaultiers de Manni en font bien
a
ramentevoir. Car de le partiie des
En
glés chil II en
avoiient toute le huee et
faisoiient souvent seür les
Escochois des
hardiies emprises, des belles chevauchiies,
des meslees et des hustins. Et par usage
le plus il gaegnoiient seür iauls, dont
il acquirent grant grasce deviers le
roi et les
barons d’Engleterre. Et pour miex
avoir leur entrees et leurs issues
en
Esco
che et a maistriier le
paÿs,
messires Guillau
mes de Montagut, qui fu appiers, hardis
et entrepredans chevaliers durement,
fortefiia
le bastille de
Rosebourch seür le marche
d’Escoche et en fist I
bon
castiel pour te
nir et deffendre contre tout homme, de quoi
li
rois
englés li sceut grant gret. Et
acquist si grant renommee et si grant grasce
en
ches entrepresures dou
roi Edouwart que li
rois le fist
conte de
Salebery. Et
le mariia moult haultement et tres noble
ment. Ossi fist
messires Gaultiers de Manni,
qui devint en ches chevauchiies chevaliers.
Et fu
retenus dou
plus secret consel le
roi et moult avanchiés en se court. Et
fist
depuis li dis
messires Gaultiers tant
de belles apiertises et de grans fais d’ar
mes, si comme vous orés avant en l’istore,
que li livres est moult renluminés
de ses
proeches. Bien est voirs que aulqun preu
chevalier d’
Escoche
faisoiient souvent anoy as
Englés et se tenoiient toudis pardeviers
le
sauvage paÿs d’Escoche entre grans
marés et grandes
f haultes forés, la nuls
ne les pooit sievir. Et sieuwoient a
le fois les
Englés de si priés que tous
les jours y avoit puigneiis ou hustin.
Et toudis
messires Guillaumes de Montagut et
messires Gaultiers de Manni,
adont nou
viel chevalier i estoiient renommet pour les
miex faisans et les plus
aventureus. Et i perdi
a ches hustins et puigneis li dis
messires
Guillaumes, qui estoit hardis et durs chevaliers
mervilleusement, I oel par ses hardiies
pb 20 v