partiie de leur entente comment qu’il n’en
fust point
encores deffiiés. Li
rois en
glés fist toutes ses pourveanches faire
en
Engleterre et ses gens d’armes appa
rillier et apasser pardecha la mer si
tos comme li Sains Jehans fust passee
et se ala tenir ilz meismes a
Vilvort et faisoit ses gens ensi comme il apas
soiient oultre et qu’il
venoiient prendre
hostels en le
ville de Vilvort. Et quant
li
ville
fu plainne, il les fist logier
en contreval ches biauls prés selonc le
riviere
en tentes et en trefs. Et la se lo
gierent il et demorerent de le Magde
lainne jusques apriés le Nostre Dame en
septembre en attendant de
sepmainne
en sepmainne le venue des aultres signeurs.
Et par espetial celle dou
duch de Brai
bant, apriés qui tout li aultre s’atendoient.
Quant li
rois
englés vey que chil signeur
ne venoiient point ne apparilliet es
toiient, il
envoiia certains messages
vers casqun et les fist semoure seür
leur sairement et
creant qu’il venissent
sans nul delay. Ensi que proumis
et creanté avoiient, ou il
venissent au
jour saint Gille pour parler a li en
le
ville de
Malignez et li dire pourquoy
il targoiient tant. Li
rois Edouwars sejournoit a
Vilvort a grant fret, che
puet cascuns savoir, et perdoit sen
tamps, se li anoioit moult et ne le po
oit amender. Il soustenoit tous les jours
soubs ses frés bien XVI
C armeures de fier,
fleur de gens, tous
venus de oultre
le mer. Et bien X
M archiers sans les
aultres poursieuvans a che apperte
nans. Se li pooit bien che peser avech
le grant
tresor qu’il avoit donnet a
ches signeurs qui ensi le detrioiient
par parolles, che li
pooit bien sambler.
Et avoecques les grandes armees qu’il
avoit establis seür mer
contre
Gene
vois,
Normans,
Bretons,
Pikars et
Espa
gnars que li
rois Phelippes
faisoit
gesir et nagier seür mer a ses gages
pour les
Englés grever.
Dont
messires
Hues Kierés,
messires Pieres Bahucés et
Barbevaires estoient amiraut et con
duisseur pour garder les destrois
et les
passages entre
Engleterre et
Franche. Et n’atendoiient
chil dessus
dit escumeur de mer aultre cose
que les nouvelles leur venissent que
li guerre fuist ouverte et que li
rois
englés, si comme on supposoit, euist
deffiiet le
roi de Franche, qu’il enter
roiient en
Engleterre, ou que che fuist,
il avoiient ja aviset u et comment pour
porter au
paÿs
grant damage.
SHF 1-73 sync
Chil signeur d’Alemagne, a le se
monse dou
s roi englés, li
dus de
Braibant et
messires
Jehans de Hainnau vinrent a
Malignes et se accorderent
communement apriés tout plain de pa
rolles que li
rois englés pooit bien mou
voir a le quinzainne apriés ou environ
et seroiient adont tout apparilliet.
Et
pour tant que leur guerre feuist plus
belle et que bien appertenoit a faire, puis
qu’il
voloiient guerriier le
roi de Franche,
il se accorderent a envoiier les deffian
ches au
roi Phelippe: premiers li
rois Edouwars
d’Engleterre,
qui se fist chiés de tous et
de
chiauls de sen roiaulme, che fu rai
sons. Ossi
li
dus de Guerles, li
marchis
de Jullers,
messires Robers
d’Artois,
mes
sires Jehans de Hainnau, li
marchis de
Misse et
Deurient, li
marchis de Blanke
bourch, li
sires Faukemont,
messires Er
nouls de Bakehen, li
archevesques de
Coulongne, messires Walerans, ses freres,
et
tout li signeur de l’
Empire qui chief
se faisoiient avech le
roi
englés. Si
furent ches deffiances escriptes et
saiellees de chescun, exceptet
dou
duch
Jehan de Braibant, qui encores s’escusa
et ne se vault mies
adont conjoindre
en ches deffiances et dit qu’il
faroit feroit
son fait a par lui a tamps et a point.
De ches deffianches aporter en
Fran
ce fu priiés et carchiés li
evesques de
Lincolle, qui bien s’en acquitta.
Car il les ap
porta a
Paris et fist sen message bien
et a point, tant
qu’il ne fu de nullui re
pris ne blasmés. Et li fu delivrés uns
saufconduis pour
retourner arriere de
viers le
roy sen signeur, qui se tenoit
a
Malignes.
¶ Or vous voel jou par
ler de II grans entrepresures d’armes
que
messires Gaultiers de Manni fist
en le propre sepmainne que li
rois de
Franche fu deffiiés. Sitretos comme il
peut sentir et perchevoir que li
rois de
Franche devoit ou pooit estre deffiiés,
il priia et quella environ quarante lan
ches de boins compagnons seürs et
hardis. Et se parti de
Braibant et chevau
cha tant de nuit que de jours qu’il
vint en
Hainnau et se bouta ens es
bos
de Blaton et encores ne savoit nuls quel
cose il voloit faire. Mais il s’en descou
vri la a aulquns de ses plus secrés. Et
leur
dist qu’il avoit promis et voet
en
Engleterre present dames et signeurs
que che seroit li premiers qui enteroit
en
Franche et
i feroit guerre. Et pren
deroit castiel ou forte ville et y feroit
aulqunne appertise
d’armes. Si estoit
s’entente que de chevauchier dusques
pb 27 v