chil de
Cambray obtinrent le plache
et rebouterent leurs ennemis. Et en na
vrerent et
mehagnierent aulquns et
les cachierent bien avant. Et retinrent
monsigneur
Grignart de Manni, ensi
navrés qu’il estoit, et l’emporterent en
Cambray en grant joye. Et le firent tan
tos desarmer et regarder a se plaiie
et bien mettre a point, et euissent volen
tiers veüt qu’il feuist rescapés de che
peril.
Mais il ne peut. Anchois morut
dedens le second jour apriés. Quant il
fu mors il regarderent qu’il en estoit
boin a faire. Si eurent consel que le
corps
il renvoiieroiient deviers
ses deux
freres Jehan
et
Thieri, qui se tenoiient
adont en le garnison de
Bouchain en
Ostrevant. Car combien que li
paÿs
de Hainnau ne feuist en point
de
guerre, si se tenoiient les forteresches
seür les frontieres de
Franche toutes
closes et seür leur garde. Si ordonne
rent adont I sarqu ou liusiel
assés
honnerable et le mirent ens et le recom
manderent a deux freres
Meneurs.
Et envoiierent le corps
monsigneur
Grignart de Manni a
ses
II freres,
Je
han et
Thieri, qui le
recheurent en
grant doleur. Depuis il le firent ap
porter as
Cordeliers en
Valenchiennes et la fu il ensevelis. Apriés ches orde
nanches li
doi frere de Manni s’en vin
rent logier ou
castiel de Thun l’Evesque que
leur freres avoit I grant tamps
tenut, et firent forte guerre a
chiauls de
le chitet de Cambray en contrevengant
le mort de
leur frere.
SHF 1-93 sync
Vous devés savoir qu’en che tamps
depar le
roi Phelippe de
Franche estoit
messires Godemars dou Fay tous
capitainnes de le
chitet de Tournay et
de
Tournesis et des fortereches environ.
Et ossi adont estoit li
sires de Biaugeu dedens
Mortagne seür
Escaut, li senes
caus de Carcasonne en le
ville de Saint
Amant, messires Ainmers de Poitiers en
Douay,
messires li Galois de le Baume,
li sires de Villars, li mareschaus de
Mire
pois et li sires de Maruel en le
chitet
de Cambray. Et
ne desiroiient chil chevalier
et chil saudoiier depar le
roi de Fran
che
aultre cose que il peuissent courir
en
Hainnau pour pillier et gaegnier et
pour le
paÿs mettre en guerre. Ossi li
evesques de Cambray, messires
Guillaumes d’Au
sone i rendoit grant paine et estoit
tous quois a
Paris dalés le
roy Phe
lippe. Et se complaindoit a li quant
il cheoit a
point trop amerement
des
Hainnuiiers. Et disoit bien que li
Hain nuiier li avoiient fais plus de contraires
et de damages, ars,
pilliet et courut
sen
paiis que nuls aultres. Si se porterent
adont telement
les besongnes et fu li
rois si dur consilliés seür
sen neveut le conte
de
Hainnau et seür ses gens que li sau
doiier de
Cambresis eurent
congiet et
accord d’entrer en
Hainnau et de faire
y aulcunne
envaiie et chevauchiie au da
mage dou
paÿs. Quant ches nouvelles
furent
venues a chiaus qui ens es gar
nisons de
Cambresis se tenoiient, si en fu
rent moult joiant. Et mirent sus une
chevauchiie de VI
C
armeures de fier. Et
se partirent I samedi apriés jour fallant
de
Cambray chil qui ordonnet i estoient.
Et ossi a tel heure
chil dou
Castiel en
Cambresis, et
chil de le Malemaison.
Et se trouverent tout
seür les camps et
vinrent en le
ville de Haspre, qui lors
estoit une boine
ville et grosse et bien fau
chiie. Mais point n’estoit fremee. Et si
n’estoiient les gens
en nulle doubte ne
cremeur. Car on ne les avoit point avi
sés ne escriiés de nulle
guerre. Si en
trerent li
Franchois dedens et trouverent
les gens,
hommes et femmes, en leurs hostels.
Si les prirent a leur volentet. Et
tout le leur,
or, argent, draps et jeuiaus
et leurs bestes et puis bouterent le feu
en le
ville et le ardirent si nettement
que riens n’y demora fors les parois.
Pardedens
Haspre a une prevostet
de noirs monnes et grans edefisces a
voech le moustier, qui se tient de
Saint
Vast d’Arras. Si
le pillierent li
Franchois et reuberent et puis bouterent le feu de
dens et le ardirent moult villainnement.
Quant il en eurent fait leur volentet
il
carchierent tout leur pillage et ca
chierent tout devant iauls et s’en retour
nerent en
Cambray. Ches nouvelles fu
rent tantos sceues a
Valenchiennes. Et
proprement elles vinrent jusques au
conte Guillaume de Hainnau, qui se dor
moit en
sen hostel c’on dist a le Salle.
Si se leva, vesti et
arma moult apper
tement et fist resvillier toutes ses gens,
dont il n’avoit mies adont
grant plen
tet dalés lui, fors tant seulement
sen
senescal monsigneur Gerart de
Werchin,
monsigneur Henri d’Anthoing, messires
Henri de
Husfalisse,
monsigneur Thieri
de Wallecourt, le signeur de Potielles,
le signeur de Floien et aulquns chevaliers
qui se tenoiient dalés lui,
ensi comme tout
gentilhomme se tiennent volentiers dalés
leur signeur. Mais il
estoiient couchiet
en divers hostels, si ne furent mies si
tos apparilliet ne armet ne
montet
pb 34 v