pelloit Jakemes de Forsvie, en escriant:
Moriaumés! Li Hainnuiier, qui ja estoiient
tout escaufet, percheurent le baniere de
Moriaumés, qui estoit toute droite, si qui
dierent que che feust li leurs ou il se
devoiient radrechier. Car moult pau
de differenche y avoit de l’un a l’autre.
Car les armes de Moriaumés sont vairiet
contrevairiet, a deux kievirons de geulles.
Et seür le kieviron messires Robers por
toit une petite croisete d’or. Si ne l’avi
serent mies bien, pour chou en furent il
dechupt. Et se vinrent de fait bouter
desoubs le baniere monsigneur Robert.
La y eut dur hustin. Et furent li Hain
nuiier fierement reboutet et tout des
confi. Et y furent mort trois boins chevaliers
de leur costé, messires Jehans de Wargni,
messires Gautiers de Pontelarche, messires
Guillaumes de Pipenpois et pluiseur aul
tre bon escuier et hommes d’armes. Dont
che fu damages. Et pris messires Jehans
de Sorre, messires Daniaus de Bleze, mes
sires Rasses de Monchiaus, messires Loeis
de Jupeleu et pluiseur aultre. Et retour
na au miex qu’il peut messires Guillaumes
de Bailluoel, qui se sauva combien qu’il y per
desist assés des siens. D’aultre part
messires Wauflars de le Croix, qui s’es
toit boutés et repus entre marés et ro
siaus et se quidoit la tenir jusques a le
nuit, fu percheus d’aulquns compagnons
qui chevauchoiient seür ches marés et
voloiient de leurs oiziaus. Et estoient
au signeur de Saint Venant. Si firent
si grant noise et si grant bruit que
messires Wauflars issi hors tous des
confis et se vint rendre a iauls. Il le
prirent et le ramenerent en l’ost et le de
livrerent a leur mestre, qui le tint I jour
tout entier en sen logeis et l’euist volen
tiers sauvet se il peuuist par cause
de pitet. Car bien savoit qu’il estoit pris
seür le teste. Mais il fu acusés. Car les
nouvelles vinrent au roy de Franche de
le besongne comment elle avoit alet.
Et de monsigneur Robert de Bailloel, qui avoit
ruet jus sen frere et les Hainnuiiers. Et
ossi de monsigneur Wauflart de le Croix,
qui avoit estet pris ou et comment, pour
quoy li rois en vault avoir le cognis
sanche. Se li fu rendus li dis messires
Wauflars, qui eut moult mal finet. Car
li dis rois, pour complaire a chiaus de
Lille pour tant qu’il li avoiient delivret
le conte de Sallebrin et le conte de Sufforch,
leur rendi monsigneur Wauflart, qui grant
tamps les avoit guerriiet. Dont chil
de Lille furent moult joiant pour tant
qu’il leur avoit estet grans ennemis.