ses niés, et tout li aultre s’en revinrent
en l’oost monsigneur Carle de Blois, qui enco
res seoit devant le chastiel d’Auroy,
et trouverent grant fuison de signeurs
et de chevaliers de France qui nouvelle
ment estoient la venus, tels que monsigneur
Loeis de Poitiers, conte de Valenche,
le conte d’Auchoirre, le conte de Por
siien, le conte de Joni, le conte de Bou
longne et pluisseurs aultres, dont li rois
Phlippez les i avoit envoiiés pour re
conforter son nepveu, et aucun y esto
ient venu de leur volenté pour venir
veoir et servir monsigneur Carlon de Blois.
Et encores n’estoit li fors chastiaus
d’Auroy gaegniés. Mes chil de de
dens estoient sy prés menet et sy a
presset de famine qu’il avoient men
giet par VIII jours tous lors chevaus
et ne les voloit on prendre a merchi
s’il ne se rendoient simplement. Quant
il veirent que morir lez convenoit, il
issirent hors couvertement par nuit et
se misent en le volenté de Dieu et
passerent tout parmy l’ost a l’un dez cos
tés. Aucun en furent percheu et tu
et. Mes messires Henris de Pennefort
et messires Oliviers ses freres et pluisseur
aultre se sauverent et escaperent par ung
bosquet qui la estoit, et en alerent
droit a Henbon deviers le contesse et
les compagnons, chevaliers englés et bre
tons, qui les rechupt liement.
Ensy reconquist messires Carle de Blois
le fort chastiel d’Auroy et par affa
mer cheuls qui le gardoient, la ou
il avoit sis et demoret par l’espasse de
X sepmainnes et plus. Si le fist re
faire et rapparillier et bien garnir de
gens d’armes et de toutes pour
veances et puis s’en parti et s’en ala
atout son ost assegier le chité de
Vennes, dont messires Joffrois de Ma
latrait estoit chapitains, et se loga
tout autour. A l’endemain aucun
compagnon breton et saudoiier qui gi
soient en une ville que on claimme
Plaremiel, issirent hors et se misent