SHF 1-17 sync
Ensi comme vous avés oy fu celle
haulte et hardiie emprise
achievee
et reconquist
madame la roine Izabel tout sen estat par le confort
et conduit
dou
gentil chevalier monsigneur Jehan de Hainnau et de ses
compagnons. Et mist a destru
ction ses ennemis. Et fu pris li
rois meismes
par telle mesceanche et fortu
ne que vous poés entendre, dont tous
li
paÿs
communaument eut grant joye,
horsmis auquns qui estoiient de le
faveur le dit
monsigneur Huon le Des
pensier. Quant li
rois et
messires Hues
li Despensiers furent amenet a
Bristo par le dessus dit
messire Henry de
Biaumont, li
rois fu envoiiés par le
consel de
tous les barons et les chevaliers ens ou
fort castiel de Bercler seant
seür le
grosse riviere de Saverne et re
commandés au
signeur de Bercler, que
il en fesist boine garde. Et il dist que
ossi feroit il. Et fu ordonnet a lui ser
vir et
garder bien et honnestement et
gens d’estat entours li qui bien sa
voiient que on en
devoit faire. Mais
point ne le devoiient laissier partir
dou pourpris. Ensi fu il enjoint
et
commandet. Et
messires Hues fu tan
tos livrés a
monsigneur
Thumas Wa
ge, mareschal del oost. Apriés chou
se partirent la
roine
et toute sen hoost
pour venir droit a
Londres, qui est
li chiés d’
Engleterre, et se mirent
en au
chemin. Li dis
messires Thumas Wage fist bien et fort loiier
monsigneur
Huon le
Despensier seür le plus pe
tit, maigre et chetis cheval qu’il peut
trouver. Et li
fist faire a viestir I ta
bar et affubler pardeseure son habit
le tabar semet de
tels armeures
qu’il soloit porter et le faisoit ensi me
ner par derision apriés le
route et
le conroi le
royne par toutes les vil
les ou il devoiient passer a
trompes
et a trompetes pour li faire plus
grant despit tant qu’il vinrent a
Harfort, une bonne chitet. La fu le
roine moult reveranment recheue, et
a grant solemnitet. Et toute li com
paignie ossi. Et tint la se fieste de
le
Toussains moult grande et bien
estoffee pour l’amour de
sen fil, et
des signeurs estragniiers qui estoiient
avecquez lui.
SHF 1-18 sync
Quant la feste fu passee, li dis
messires Hues, qui point n’estoit
amés la endroit, fu amenés parde
vant la
roine et tous les barons et chevaliers
qui la estoiient assemblet. La li furent
recordet tout si fait par escript,
qu’onques ne dist riens a l’encontre.
Siques la endroit il fu jugiés par
plaine sieute de tous les barons et
chevaliers a mort et a justichier en tel ma
niere comme vous orés. Premierement
il fut trainés seür I
bahut a trom
pes et a trompetes par toute la
ville
de Harfort, de rue en rue. Et puis
fu amenés en une
grant plache en
le
ville, la ou tous li
peules estoit
assamblés. La endroit fu il loiiés hault
seür une eskielle siques casquns, pe
tis et grans, le pooiient veir. Et a
voit on fait en le ditte plache I grant
fu. Quant il fu ensi loiiés on li copa
tout premiers le membre et les coil
les, pour chou qu’il estoit herites et
sodomites. Ensi que on disoit meis
mesment dou
roy. Et pour che avoit
decachiet li
rois la
roine ariere de li
et par sen enhort. Quant li membres
et les coilles li furent copees, on les
jetta ou feu et furent arses. Apriés
on li fendi le ventre et li i osta on
tout le cuer et le coraille et le jetta
on ou feu pour ardoir par tant
qu’il estoit fauls de coer et traittres
et que par sen traitte consel et en
hort li
rois avoit honni
sen roiaulme et mis a meschiés, et avoit fait de
coler les plus grans barons d’
Engle
terre, par les quels li
royaulmes devoit estre soustenus et deffendus.
Et avech che il avoit si enhortet
le
roy qu’il ne pooit ou ne voloit
veir la
roine, se femme, ne
sen aisnet
fil, qui devoit estre leur sires.
Ains les avoit decachiés par doub
tanche de leurs corps hors dou
roiaulme. Aprés quant
messires Hues fu ensi atournés comme dit est, on
li coppa le teste et fu envoiie en le
chitet de
Londres. Et puis fu il
decoppés en quatre quartiers. Et
furent tantos envoiiet as
quatre
millieurs chités d’Engleterre a
priés Londres.
SHF 1-19 sync
Apriés ceste justiche faite, si comme vous avés oy, le
roine et tout li signeur et grant plentet
dou
commun dou paÿs se mirent
au chemin vers
Londres. Et firent
tant par leurs petites journees
qu’il i parvinrent a grant compagnie.
Et issirent communement tout
chil
de Londres, grans et petis, encontre
le
roine et
son aisnet fil,
qui de
voit estre leurs drois sires et leur
firent grant fieste et grant reve
rense. Et
a toute leur compagnie
pb 7 r