il ne peurent prendre le fortereche. Car
il y avoit dedens
Englés, qui trop vaillau
ment le
garderent. Si s’en partirent ches
gens d’armes et chevaucherent oultre avech
le connestauble en
Roergne. Et li aucun des
chiés des signeurs vinrent en
Avignon veir le
pape Grigore et le duch d’Angho,
qui se tenoit dalés lui.
Tantos aprés celle
visitation que chil signeur eurent fait au pape
et au duch d’Ango, il se deppartirent de le
chitet d’Avignon et se retrairent
devers le
connestauble, qui chevauchoit en
Roergne et
conqueroit villes et castiauls sus les
En
glés. Si s’en vinrent devant le ville de La
Millau et le assegierent, la quelle monsigneur
Thumas de
Wellekefare tenoit et avoit te
nut tout le tamps. Et ossi le Roce Vaucle
re. Mais li dessus dis chevaliers englés, par
composition a che dont quant messires Bertrans
fu venus ou paÿs, s’en partirent et li ren
dirent encores
aucuns castiaus sur les
frontieres de
Limozin. Et quant li dis messires
Bertrans les eut renvitaliés, il prist sen
chemin et sen retour et tout
chil signeur
de Franche en se compaigniie pour venir
derechief
devant le chitet d’Uzés en
Auvergne et le assegierent et firent la li
dus de Berri et li dus de Bourbon et li con
nestables amener et
achariier grans en
giens de
Rion et de Clermont et
drechier
devant la ditte fortreche. Et avech tout
chou appareillier grans
atournemens
d’assauls.
SHF 1-680 sync
Quant li Englés qui s’estoiient tenut
en le chitet d’Uzés si vaillaument veirent
le maniere et ordenanche dou connestauble
et des
Franchois et il entendirent que mes
sires Thumas de Welkefare estoit partis
de ses fortereches de
Roergue et que confors
ne leur apparoit de nul costé, si se com
mencherent a
consillier et aviser qu’il se
renderoiient par traitié et neniie autre
ment. Si traitierent
deviers le connestau
ble si bellement et si sagement qu’il se
partirent sans
damage et sans blasme
et emporterent tout le leur, chou que porter
en pooiient
devant iauls. Et avech tout
che, on les devoit convoiier dusques a
Sain
ite Siviere en Limozin. Ceste ordenanche
fu tenue, li
Englés se partirent et rendirent
tout ce que il tenoiient d’Uzés,
chitet et ca
stiel et furent menet sans peril dusques
a le garnison dessus ditte.
Ensement acquitta
en che voiage messires Bertrans un grant
fuison de
paÿs que li
Englés avoiient tenut,
et tourna franchois, dont il acquist
grant
grasce, et puis retourna en Franche. Vous
avés bien chi dessus oy parler de le chevau
chiie
monsigneur Robiert Canolles qu’il fist en
Franche, et comment il
retourna en
son paÿs en Derval en Bretagne. Et est bien voirs que
aucun
Englés a leur retour parlerent
grandement de sen honneur en
Engleterre et tant
que li roys et ses consauls en
furent enfourmet
contre lui et maulcontent. Mais quant li dis
messires Robiers le sceut, il s’envoiia escu
ser par II de ses esquiers d’onneur
telement
que li roys et ses consauls se tinrent pour
mal
enfourmet en devant dou dit mes
sires Robiert et de lui bien se contenterent
parmi che que messires Alains de Bouque
selle et aucun autre chevalier
bien amé et prou
chain dou roy l’aidierent a escuser. Et en
fu trouvés en
son tort tant que il le compara
kierement messires Jehans Mestreourde. Car
il en fu pris et justichiés publiquement en
le
chitet de Londres. Par celle
justiche fu
lavés et escusés de toutes amises li dessus
dis messires Robiers. Et demora en le gra
sce dou roy et dou
prinche.
SHF 1-681 sync
Li roys d’Engleterre qui se veoit guer
riés et ouvriiés des
Franchois male
ment, acqueroit amis chou qu’il pooit par
decha le
mer. Et avoit pour lui le duch
de Guerle, son nepveut, et le duch de Jul
lers. Et devoiient en celle saison mettre sus
une grande somme de gens
d’armes et bien
estoit en leur poissanche pour entrer
en Franche et
de che et d’iauls se doubtoit
bien li roys de Franche. En che tamps en
voioit li roys d’Engleterre le conte de Her
fort et les chevaliers de son hostel moult or
deneement en
Bretagne pour parler au
duch sus aucunnes ordenanches qui de
voiient
iestre entre lui et le duch. Et pour
lors n’estoiient point bien cler li
Englés et li
Flamench et
c’estoiient celle saison
heriiet sus mer et tant que li
Flamench avoient perdu, dont il leur desplaisoit.
Si se trouverent
d’aventure devant I ha
vrene en Bretagne que on dist a le Bay, chil
Englés et chil
Flamench. Si estoit patrons
de le naviie
des
Flamens Jehans Pietre
sone. Et des
Englés messires Guys de
Briane. Sitretos comme il se furent
trouvet, il
ferirent ensamble. Et assam
blerent de leurs vaissiaus et la eut grant
bataille et dure
malement. Et estoiient la
des chevaliers dou dit roy avech le conte
de
Herfort messires Richars de Pennebru
ge, messires Alains de
Bouqueselle, messires
Richars Sturi, messires Thumas Wisk et
des aultres, si se combatirent chil chevalier
et leurs gens moult asprement a ches
Fla
mens et s’i porterent tres vaillaument,
comment que li
Flamench fuissent plus
grant fuison et pourveu de leur fait.
Car il
n’avoiient desiret toute le saison
autre cose que il peuissent avoir trouvéz
les
Englés. Mais pour chou ne l’eurent il
pb 15 r