mies davantage.
Si dura ceste bataille
sus mer bien trois heures. Et la eut fait
pluiseurs grans apiertises d’armes et
maint homme navret et blechiet dou trait.
Et avoiient leurs nefs atakiies a graués
de fier et a kainnes, par quoi il ne peuis
sent
fuir. Toutesfois finablement le pla
che demora as
Englés. Et furent li dit
Flamench desconfit. Et sires Jehans Pie
tresone, leurs paterons, pris et tous li
demorans mors ou pris, oncques nuls
n’en escapa. Et
retournerent li dit
Englés arriere en
Engleterre, qui
amenerent leur
conqués et leurs priseniers et ne firent
point leur voiage en
Bretagne adont.
Si compterent ches nouvelles au roy d’En
gleterre leur
signeur, qui fu moult joians
de leur aventure quant il entendi que li
Fla
mench, qui envai les avoiient, estoiient
desconfit. Si furent tantos envoiiés
en prison fremee Jehan Pietreson et
li autre et espars parmi
Engleterre.
SHF 1-682 sync
Apriés celle desconfiture qui fu faite
sus les Flamens
devant le Bay en
Bretagne, li roys d’Engleterre mist grans
gens sus
mer a l’encontre des dis
Fla
mens et les commanda a guerriier et heriier
et a clore les pas, par quoy riens ne
leur venist fors a grant dangier. Quant
chil de Bruges, d’Ippre et de Gand enten
dirent ches nouvelles, si mirent leurs
consauls ensamble et dirent, tout yma
ginet et consideret, que pourfitauble ne
leur estoit mies d’avoir le guerre et le
haynne as
Englés, qui leur
estoiient
visin et marchissant a yauls, pour l’op
pinion de leur signeur le conte aidier
a soustenir, comment que il en touchoit
aucunnement a iauls, otant bien
que au con
te. Si se dissimulerent li plus sage des
bonnes villes
et envoiierent depar yauls
souffissans hommes et boins traitieurs en
Engleterre devers le roy et sen conseil, li
quel esploitierent
si bien ains leur re
tour que il apporterent paix au
paÿs
de Flandres et as
Flamens sus ciertains
articles et ordenanches qui furent
dictés et
seellet entre l’unne partiie et
l’autre. Si demora la cose
et en bon
et
segur estat. Or parlerons I pau
dou roy Jame de Mayogres.
SHF 1-683 sync
Vous avés bien chi dessus oy recorder
comment li roys Jame de Mayogres
fu pris ou Val d’Olif en Castille au recon
qués que li roys Henris fist en
Espagne, et
demora
prisonniers au dit roy Henry.
Quant la roine de Naples, se femme, et
la mar
quise de Montferrat, sa suer, entendirent
ches nouvelles, si furent
moult courchiés
de l’avenue et y pourveirent de remede et
de conseil. Je vous
dirai par quel maniere.
Elles traitierent et firent traitier par sa
ges et vaillans
hommes devers le roy Henry et
tant que li roys de Mayogres fu mis a
finan
che et ranchonnés a C mille frans, les quels
les II dames dessus dictes paierent si cour
toisement que li roys Henris
leur en sceut gret.
Tantos que li roys de Mayogres se peut par
tir, il
retourna en
Naples et ne vault mies
sejourner. Mais quist or et argent a
grant
pooir et amis de tous lés et se remist dere
kief au chemin en istance de che que
pour
guerriier le roy d’Arragon, son adversaire, qu’il
ne pooit amer. Car il
li avoit son pere
mort et li tenoit son hiretage. Si esploita
tant li dis rois qu’il vint en
Avignon de
vers le
pape Grigore XIe. Et la se tint plus
d’un mois et fist ses complaintes si bien et si
a point au dit Saint Pere que il deschendi asses
a ses priieres et consenti
bien au dit roy de
Maiogres que il fesist guerre au dit roy d’Ar
ragon. Car il avoit cause qui le mouvoit.
C’estoit pour son hiretage. Dont se pourvei
li dis roys de Maiogres de gens d’armes
la ou il les peut avoir, et les accata
bien et
chier,
Englés,
Gascons Alemans,
Bretons et
gens de compaignes, des quels messires Gar
sions dou Castiel, messires Jehans de Malatrait
et
Selevestre
Bude et Jakemes de Bray estoiient
capitainne. Si pooiient
estre environ XII
C combatans et passerent oultre et entrerent
en
Navare et sejournerent la par le consentement
et accord dou dit roy, et de
Navare en
Arra
gon. Et
commenchierent chil chevalier, ches gens d’ar
mes et leurs routes, a faire guerre au roy
d’Arragon et a courir sus son paÿs, a prendre
et a essillier petis
fors et travillier le plain
paÿs, ou il pooiient habiter et entrer et
ranchonner hommes
et femmes. Et tant que li roys
d’Arragon, qui bien se doubtoit de celle guerre,
envoiia grant gent d’armes sus les frontieres,
des
de quels li viscontes de Rokebertin et
li contes de Rodés furent meneur et capi
tainne. Celle guerre pendant, qui estoit
ja toute ouverte et moult felle, li roys
James
de Mayogres s’acoucha malades derechief
ou
Val de Soriie, de le quelle maladiie il mo
rut.
Li Aragonnois Par ensi eurent li
Aragonnois paix de che costet I grant
tamps. Et se deppartirent ches compai
gnes qui la avoiient guerriiet, et s’en retour
nerent en Franche, cescuns deviers le signeur
dont il pensoiient
avoir plus grant pour
fit. Or parlerons nous dou duch de Lancastre.
SHF 1-684 sync
Li dus Jehans de Lancastre, qui se tenoit
en le
bonne
chitet de Bourdiaus sus Ga
ronne, et dalés lui pluiseurs baron et chevalier
d’
Aquitainnes, car encores i estoiient les co
ses en bon estat pour le
partiie des
Englés,
quoyc’aucun baron de
Poitau et de
Limozin se fuissent
pb 15 v